நகராட்சியுடன் ஊராட்சியை இணைக்க எதிா்ப்பு: கிராம மக்கள் ஆா்ப்பாட்டம்!
திருச்செங்கோடு தலைமையிடத்து துணை வட்டாட்சியரைப் பணியிடம் மாற்றம் செய்யக் கோரி இரண்டாம் நாளாக திருச்செங்கோடு கிராம நிா்வாக அலுவலா்கள் கூட்டமைப்பு சாா்பில் பணி புறக்கணிப்பு, காத்திருப்பு போராட்டம் செவ்வாய்க்கிழமை நடைபெற்றது.
திருச்செங்கோடு வட்டத்தில் 76 வருவாய் கிராமங்கள் உள்ளன. இதில் 74 கிராம நிா்வாக அலுவலா்கள் பணியில் உள்ளனா். அதில் இருவா் தற்போது பல்வேறு காரணங்களால் பணியில் இல்லாத நிலையில் 74 போ் பணியில் உள்ளனா்.
திருச்செங்கோடு வட்டாட்சியா் அலுவலகத்தில் தலைமையிடத்து துணை வட்டாட்சியராக பணியாற்றி வரும் பெண் அலுவலா் ஒருவா் கிராம நிா்வாக அலுவலா்களை கால நேரம் எதுவும் இன்றி பணிகளை செய்யச் சொல்லி வலியுறுத்துவதாகவும், இணையம் வேலை செய்யாத நிலையிலும் உடனடியாக சான்றிதழ்களை வழங்க வேண்டும் என வலியுறுத்துவதாகவும். இதனால் தங்களது தனிப்பட்ட பணிகளைகூட செய்ய முடியாத நிலையில் இருப்பதாகவும் மன உளைச்சலுக்கு ஆளாவதால் தலைமையிடத்து துணை வட்டாட்சியரை உடனடியாக பணியிட மாற்றம் செய்ய வேண்டும் என கோரிக்கை விடுத்துள்ளனா்.
இந்நிலையில் இக்கோரிக்கையை வலியுறுத்தி திருச்செங்கோடு வட்டாட்சியா் அலுவலகம் முன்பு கிராம நிா்வாக அலுவலா்கள் என சுமாா் 74 போ் 2ஆவது நாளாக பணி புறக்கணிப்பு, காத்திருப்பு போராட்டத்தில் ஈடுபட்டுள்ளனா். அவரை பணியிட மாற்றம் செய்யும் வரை போராட்டம் தொடரும் என தெரிவிக்கின்றனா்.
இதனால் திருச்செங்கோடு வட்டத்தில் உள்ள பல்வேறு பணிகள் பாதிப்படைந்துள்ளன. சான்றிதழ்கள் பெற முடியாமல் பொதுமக்கல் அவதிக்குள்ளாகினா்.
