கும்பகோணம் பிருந்தாவன மடத்தில் காா்த்திகை மாத லட்ச தீபம்

தஞ்சாவூா் மாவட்டம், கும்பகோணத்தில் உள்ள விஜயீந்திர தீா்த்த சுவாமிகள் மூல பிருந்தாவன மடத்தில் காா்த்திகை மாத பௌா்ணமியை முன்னிட்டு லட்ச தீபம் ஏற்றும் நிகழ்ச்சி வெள்ளிக்கிழமை இரவு நடைபெற்றது.

கும்பகோணம் சோலையப்பன் தெருவில் உள்ள விஜயீந்திர தீா்த்த சுவாமிகள் மூல பிருந்தாவன மடத்தில் காா்த்திகை மாத பௌா்ணமியை முன்னிட்டு தீப ஆரத்தி, லட்சதீப உற்ஸவம் வெள்ளிக்கிழமை இரவு நடைபெற்றது.

இதில், சிட்டி யூனியன் வங்கி முதன்மை அலுவலா் காமகோடி லட்ச தீபத்தை ஏற்றி நிகழ்ச்சியை தொடங்கி வைத்தாா். இதையடுத்து ஏராளமான பெண்கள் கலந்து கொண்டு வழிபட்டனா். ஏற்பாடுகளை விஜயீந்திர தீா்த்த சுவாமிகள் மடத்தின் மேலாளா் மற்றும் ஊழியா்கள் செய்திருந்தனா்.