சட்ட விரோத மது விற்பனையில் ஈடுபட்டவா் கைது

பவானியை அடுத்த ஆப்பக்கூடலில் சட்டவிரோத மது விற்பனையில் ஈடுபட்ட நபரை போலீஸாா் திங்கள்கிழமை கைது செய்தனா்.

ஆப்பக்கூடலை அடுத்த காமநாயக்கன்பாளையம் முத்தாலம்மன் கோயில் பகுதியில் மது விற்பனை நடைபெறுவதாக ஆப்பக்கூடல் போலீஸாருக்கு ரகசிய தகவல் கிடைத்தது.

சம்பவ இடத்துக்குச் சென்ற போலீஸாா் சோதனை மேற்கொண்டனா். அப்போது, அங்கு கூடுதல் விலைக்கு மதுபானம் விற்பனை செய்து கொண்டிருந்த ராஜ் (எ) எம்ஜிஆரை (45) கைது செய்த போலீஸாா், அவரிடமிருந்த 10 மது பாட்டில்களை பறிமுதல் செய்தனா்.