மக்களின் உண்மையான பிரச்னைகளைப் பற்றி ஒருபோதும் மத்திய அரசு பேச விரும்புவதில்லை என்று பிரியங்கா காந்தி தெரிவித்துள்ளார்.
நாடாளுமன்ற பட்ஜெட் கூட்டத்தொடர் குடியரசுத் தலைவர் உரையுடன் இன்று தொடங்கியது. அதைத்தொடர்ந்து நாடாளுமன்ற இரு அவைகளின் கூட்டுக் கூட்டத்தில் குடியரசுத் தலைவர் திரௌபதி முர்மு சுமார் 1 மணி நேரம் உரை நிகழ்த்தினார்.
அதன்பின்னர் நாடாளுமன்ற பட்ஜெட் கூட்டத்தொடர் ஒத்திவைக்கப்பட்டது. மத்திய நிதியமைச்சர் நிர்மலா சீதாராமன் நாளை பட்ஜெட் தாக்கல் செய்கிறார். இவர் தொடர்ந்து எட்டாவது முறையாக பட்ஜெட் தாக்கல் செய்கிறார்.
இந்த கூட்டத்தொடர் குறித்து செய்தியாளர்களிடம் பேசிய பிரியங்கா காந்தி கூறியதாவது,
மக்களின் உண்மையான பிரச்னைகள் குறித்து நாடாளுமன்றத்தில் விவாதிக்க மத்திய அரசு விரும்பவில்லை. இதனால் கடைசி கூட்டத்தொடர் ரத்து செய்யப்பட்டது.
அதில் எந்த விவாதமும் நடக்கவில்லை. பிரச்னைகளுக்கான சரியான பதில்களை மத்திய அரசு வழங்கவில்லை என்று அவர் கூறினார்.
