ஜார்க்கண்டின் முதல்வரானார் ஹேமந்த் சோரன்!

ஜார்க்கண்டின் 14-வது முதல்வராக ஜார்க்கண்ட் முக்தி மோர்ச்சா கட்சியின் தலைவர் ஹேமந்த் சோரன் இன்று பதவியேற்றுக் கொண்டார்.

49 வயதாகும் சோரன் முதல்வராக பதவியேற்பது இது நான்காவது முறையாகும்.

81 உறுப்பினர்களைக் கொண்ட ஜார்க்கண்ட் பேரவைக்கு இரு கட்டங்களாக தேர்தல் நடைபெற்றது. இதில் 56 இடங்களுடன் ஜார்க்கண்ட் முக்தி மோர்ச்சா, காங்கிரஸ், ராஷ்ட்ரீய ஜனதா தளம் உள்ளிட்ட கட்சிகள் அடங்கிய இந்திய கூட்டணி வெற்றி பெற்று ஆட்சியைத் தக்கவைத்தது.

ராஞ்சியில் இன்று மாலை 4 மணியளில் இந்தக்கூட்டணியின் சார்பில் ஜார்க்கண்டின் முதல்வராக ஹேமந்த் சோரன் பதவியேற்றார்.

இந்த பதவியேற்பு நிகழ்ச்சியில் மேற்கு வங்க முதல்வர் மம்தா பானர்ஜி, இந்தியா கூட்டணியின் முக்கிய தலைவர்கள் பங்கேற்றனர்.