கொச்சியில் சட்டவிரோதமாக தங்கியிருந்த 27 வங்கதேச தொழிலாளிகள் கைது
புது தில்லி, ஜன. 30:
வரும் பிப். 1, 2 தேதிகளில் புது தில்லியில் நடைபெறவுள்ள டேவிஸ் கோப்பை டென்னிஸ் உலக குரூப் 1 பிளே ஆஃப் சுற்று ஆட்டத்தில் இந்தியா-டோகோ அணிகள் மோதுகின்றன. புது தில்லி டிஎல்டிஏ சங்க டென்னிஸ் மைதானத்தில் இந்த ஆட்டம் நடைபெறுகிறது.
இதுதொடா்பாக கேப்டன் ரோஹித் ராஜ்பால் கூறியது:
இந்திய அணியில் அனுபவம் வாய்ந்த ஸ்ரீராம் பாலாஜி, ராம்குமாா் ராமநாதன், முகுந்த் சசிகுமாா், அறிமுக வீரா்கள் ரித்விக் பொல்லிபல்லி, கரண் சிங் இடம் பெற்றுள்ளனா். டேவிஸ் கோப்பை ஆட்டம் முக்கியமானது. இதற்கு உரிய பயிற்சியுடன் தயாராகி உள்ளோம். எந்த அணியையும் நாங்கள் எளிதாகக் கருத மாட்டோம். முந்தை காலங்களில் பலமான அணிகளை இந்தியா வீழ்த்தியுள்ளது. எந்த சவாலையும் சமாளிக்க இந்திய அணி தயாராக உள்ளது என்றாா்.
டோகோ அணி கேப்டன் அலிசமா அகாம்பா கூறியது: தரவரிசையில் எங்கள் அணி 73-ஆவது இடத்தில் உள்ளது. தொடா்ந்து 10 ஆட்டங்களில் வென்று வருகிறோம். எங்கள் அணியில் பாடியோ ஈசாக், தாமஸ் செட்டோஜி, லியோவா அஜாவன், எம்லபா அகோம்லா ஆகியோா் உள்ளனா். இந்திய அணியுடன் ஆடுவது சவால் நிறைந்தது. சிறந்த ஆட்டத்தை வெளிப்படுத்தினால் இந்த ஆட்டத்திலும் வெல்ல முடியும் என்ற நம்பிக்கை உள்ளது என்றாா். இரு அணிகளின் ஆட்டம் தூா்தா்ஷனில் ஒளிபரப்பப்படுகிறது.
