தங்கத்தின் விலை அதன் உச்சபட்ச விலையிலிருந்து 9 சதவீதம் சரிந்துள்ளது. தங்கத்தின் இந்த தொடர் விலைச்சரிவை நிபுணர்களும் ஆதரிக்கின்றனர்.
அமெரிக்காவில் அதிகரித்துவரும் பணவீக்கம் காரணமாக சர்வதேச சந்தையில் தங்கத்தின் மதிப்பு சரிந்து வருவதாக நிபுணர்கள் குறிப்பிடுகின்றனர்.
தங்கம் விலை கடந்த செப்டம்பர் மாதத்தில் கிடுகிடுவென உயரத் தொடங்கியது. அந்த மாதம் 24-ஆம் தேதி ஒரு சவரன் ரூ.56 ஆயிரத்தை கடந்தது. அக்டோபர் மாதம் 29ஆம் தேதி ரூ. 59 ஆயிரத்தைக் கடந்து புதிய உச்சத்தை எட்டியது.
தங்கம் விலை ரூ. 60 ஆயிரத்தைத் தொட்டுவிடுமோ என்ற அச்சம் நடுத்தர மக்கள் மத்தியில் நிலவியது. ஆனால், தற்போது அவர்களுக்கு மகிழ்ச்சி அளிக்கும் செய்தியாக தங்கம் விலையில் மாற்றம் ஏற்பட்டு வருகிறது.
தங்கம் விலை தொடர்ந்து உயர்ந்து வந்த நிலையில், நவ. 2-ஆம் தேதியில் இருந்து விலை சற்று குறையத் தொடங்கியது.
