தேனியில் கைவரிசை காட்டிய கொத்தனார் மூர்த்தி டீம்; 88 பவுனை மீட்ட காவல்துறை; சிக்கியது எப்படி?

தேனி பழனிசெட்டிபட்டி பகுதியில் 9 வீடுகளில் அடுத்தடுத்து தொடர் திருட்டுகள் நடந்தன. இதுதொடர்பாக வழக்குப்பதிவு செய்து பழனிசெட்டிபட்டி போலீஸார் விசாரித்து வந்தனர்.

இந்நிலையில் கோவை, விருதுநகர், ராஜபாளையம் பகுதிகளில் வீடுகளில் பூட்டை உடைத்துக் கொள்ளையடித்த வழக்குகளில் பெரியகுளத்தைச் சேர்ந்த 2 பேர் கொண்ட கும்பலை விருதுநகர் போலீஸார் கைது செய்து சிறையில் அடைத்தனர். இந்த கும்பலைக் கோவை போலீஸார் காவலில் எடுத்து விசாரித்து சிறையில் அனுப்பியிருந்தனர்.

இந்நிலையில் தேனி பழனிசெட்டிபட்டி பகுதிகளில் நடந்த தொடர் திருட்டு வழக்குகளில் இவர்களுக்குத் தொடர்பு இருப்பது போலீஸாருக்கு தெரியவந்தது. இதையடுத்து அவர்களில் மூர்த்தி, அம்சராஜ் ஆகியோரை காவலில் எடுத்த போலீஸார் விசாரணை நடத்தினர். இதில் தேனியில் பல்வேறு இடங்களில் திருடியதைக் குற்றவாளிகள் ஒப்புக்கொண்டதைத் தொடர்ந்து அவர்களிடம் இருந்து 88 பவுன் நகையை போலீஸார் பறிமுதல் செய்தனர். இதனைத்தொடர்ந்து தேனி நீதித்துறை நடுவர் நீதிமன்றத்தில் ஆஜர்படுத்தப்பட்டு, கோவை சிறையில் இருவரையும் அடைத்தனர்.

இதுகுறித்து நம்மிடம் பேசிய போலீஸார், "கொத்தனார் மூர்த்தி டீம் ஆட்கள் நடமாட்டம் அதிகம் இல்லாத பகுதிகளிலும், சிசிடிவி இல்லாத பகுதிகளையும் நோட்டமிட்டு, முகமுடி அணிந்து, வீடுகளில் புகுந்து கத்தியைக் காட்டி மிரட்டிக் கொள்ளையடிப்பதை வழக்கமாகக் கொண்டிருந்தனர். இதில் மூர்த்தி, அவரின் மனைவி அனிதா, சீனிதாய், லட்சுமி, சுரேஸ், அருண்குமார், மோகன் உள்ளிட்டோர் உள்ளனர். இவர்கள் அனைவரும் விருதுநகர், கோவை மாவட்ட போலீஸாரால் கைது செய்யப்பட்டு கோவையில் சிறையில் அடைக்கப்பட்டிருந்தனர்.

அவர்கள் திருட்டு வழக்குகள் தேனி திருட்டு வழக்குகளுடன் ஒத்திருந்தது. இதனால் மூர்த்தி டீம் மீது சந்தேகம் வந்தது. இதையடுத்து மூர்த்தி மற்றும் அம்சராஜை காவலில் எடுத்து விசாரித்தபோது பழனிசெட்டிபட்டியில் கைவரிசை காட்டியிருப்பது தெரியவந்தது. அவர்களிடம் இருந்து 88 பவுனைப் பறிமுதல் செய்து மீண்டும் அவர்களைச் சிறையில் அடைத்துள்ளோம்" என்றனர்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/ParthibanKanavuAudioBook

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs