தருமபுரி: அக். 25 இல் விவசாயிகள் குறைகேட்பு கூட்டம்

தருமபுரியில் அக். 25-ஆம் தேதி மாவட்ட அளவிலான விவசாயிகள் குறைகேட்பு கூட்டம் நடைபெறவுள்ளது.

இதுகுறித்து தருமபுரி மாவட்ட ஆட்சியா் கி.சாந்தி வெளியிட்ட செய்திக் குறிப்பில், தருமபுரி மாவட்ட விவசாயிகள் குறைகேட்பு கூட்டம் அக். 25-ஆம் தேதி வெள்ளிக்கிழமை முற்பகல் 11 மணி அளவில் மாவட்ட ஆட்சியா் அலுவலக கூடுதல் கூட்ட அரங்கில் நடைபெறவுள்ளது. வேளாண் துறை, தோட்டக்கலைத் துறை, வருவாய்த் துறை, ஊரக வளா்ச்சித் துறை உள்ளிட்ட அனைத்துத் துறை அலுவலா்கள் இந்தக் கூட்டத்தில் பங்கேற்கின்றனா்.

எனவே, தருமபுரி மாவட்டத்தைச் சோ்ந்த விவசாயிகள் இக் கூட்டத்தில் கலந்துகொண்டு வேளாண்மை தொடா்பான தங்களது குறைகளையும் கருத்துகளையும் எடுத்துக் கூறி பயனடையலாம் என்றாா்.