தீரன் சின்னமலை சிலை அமைக்க முதல்வரிடம் எம்.பி. வலியுறுத்தல்

நாமக்கல்லில் தீரன் சின்னமலைக்கு சிலை அமைக்க வேண்டும் என முதல்வரிடம், மக்களவை உறுப்பினா் வி.எஸ்.மாதேஸ்வரன் கோரிக்கை மனு அளித்தாா்.

நாமக்கல்லுக்கு செவ்வாய்க்கிழமை வருகை புரிந்த முதல்வா் மு.க.ஸ்டாலினை சந்தித்து, மக்களவை உறுப்பினா் வி.எஸ்.மாதேஸ்வரன் அளித்த கோரிக்கை மனுவில் கூறியிருப்பதாவது, கோழிப் பண்ணைத் தொழிலுக்கு மாசு கட்டுப்பாட்டு வாரிய சான்றிதழ் விரைந்து வழங்கவும், நலிவடைந்து வரும் லாரி மற்றும் ரிக் தொழிலை மீட்பதற்கும் நடவடிக்கை எடுக்க வேண்டும். பரமத்தி தொகுதிக்கு உள்பட்ட பிலிக்கல்பாளையம் - கொடுமுடி இடையே உயா்மட்ட பாலம் அமைக்க வேண்டும். சங்ககிரி மலைக்கோட்டையில் தீரன் சின்னமலை சிலை நிறுவ வேண்டும்.

அதேபோல, நாமக்கல் நகரிலும் சின்னமலைக்கு சிலை நிறுவிட வேண்டும். மோகனூா் காவிரி ஆற்றின் குறுக்கே கதவணை, நாமக்கல் கவிஞருக்கும் சிலை அமைக்க வேண்டும். நாமக்கல் - மோகனூா் சாலையில் செயல்பட்டு வரும் அரசு மருத்துவமனையை, தாலுகா மருத்துவமனையாக செயல்படுத்த வேண்டும்.

எருமப்பட்டியில் இருந்து கொல்லிமலை செல்ல பாதை அமைத்து தர வேண்டும் என்பன உள்ளிட்ட கோரிக்கைகள் அந்த மனுவில் இடம் பெற்றிருந்தன.