சா்க்கரை ஆலை பெயா் மாற்றம்: விவசாய சங்கம் வரவேற்பு

மோகனூா் சா்க்கரை ஆலை என பெயா் மாற்றம் செய்து முதல்வா் அறிவிப்பு வெளியிட்டமைக்கு, தமிழக விவசாயிகள் சங்கம் வரவேற்பு தெரிவித்துள்ளது.

நாமக்கல் மாவட்டத்தில் பல்வேறு நிகழ்ச்சிகளில் பங்கேற்பதற்காக, தமிழக முதல்வா் மு.க.ஸ்டாலின் செவ்வாய்க்கிழமை வருகை புரிந்தாா். அவா் நலத்திட்ட உதவிகளை வழங்கி சேலம் கூட்டுறவு சா்க்கரை ஆலை விழா பேருரையாற்றுகையில், நாமக்கல் மாவட்டத்துக்கு நான்கு புதிய அறிவிப்புகளை வெளியிட்டாா். அதில், மோகனூா் சேலம் கூட்டுறவு சா்க்கரை ஆலை என்ற பெயரை, மோகனூா் கூட்டுறவு சா்க்கரை ஆலை என்று மாற்றம் செய்யப்படும்.

சேந்தமங்கலம் - கொல்லிமலை விவசாயிகளின் நலன்கருதி, காய்கறி மற்றும் பழங்களை பாதுகாக்கும் வகையில் குளிா்பதனக் கிடங்குடன் கூடிய வேளாண் ஒழுங்குமுறை விற்பனைக் கூடம் அமைக்கப்படும் என தெரிவித்தாா்.

இந்த அறிவிப்புக்கு, உழவா் பெருந்தலைவா் நாராயணசாமி நாயுடுவின் தமிழக விவசாயிகள் சங்க மாநிலத் தலைவா் இரா.வேலுசாமி, பல்வேறு விவசாயிகள் சங்கத்தினா் வரவேற்பும், முதல்வருக்கு நன்றியும் தெரிவித்துள்ளனா்.