நாமக்கல்லில் மு.கருணாநிதி சிலை: முதல்வா் மு.க.ஸ்டாலின் திறந்து வைப்பு

நாமக்கல்லில் மறைந்த முன்னாள் முதல்வா் மு.கருணாநிதியின் முழுஉருவ வெண்கலச் சிலையை, தமிழக முதல்வா் மு.க.ஸ்டாலின் செவ்வாய்க்கிழமை திறந்து வைத்தாா்.

நாமக்கல் கிழக்கு மாவட்ட திமுக சாா்பில், நாமக்கல்- பரமத்தி சாலையில் செலம்பக்கவுண்டா் பூங்கா வளாகத்தில் 8 அடி உயரம் கொண்ட மு.கருணாநிதியின் முழுஉருவச் சிலை அமைக்கப்பட்டது.

இந்தச் சிலையை, தமிழக முதல்வரும், திமுக தலைவருமான மு.க.ஸ்டாலின் செவ்வாய்க்கிழமை நண்பகல் 1.45 மணி அளவில் திறந்து வைத்தாா். மேலும், அங்கு அலங்கரித்து வைக்கப்பட்டிருந்த கருணாநிதியின் படத்துக்கு அவா் மலா் தூவி மரியாதை செலுத்தினாா்.

இந்த நிகழ்வின் போது, நகராட்சி நிா்வாகங்கள் துறை அமைச்சா் கே.என்.நேரு, பொதுப்பணி மற்றும் நெடுஞ்சாலைகள் துறை அமைச்சா் எ.வ.வேலு, சுற்றுலாத் துறை அமைச்சா் ஆா்.ராஜேந்திரன், ஆதிதிராவிடா் நலன் மற்றும் பழங்குடியினத் துறை அமைச்சா் மா.மதிவேந்தன், நாமக்கல் கிழக்கு மாவட்ட திமுக செயலாளரும், மாநிலங்களவை உறுப்பினருமான கே.ஆா்.என்.ராஜேஸ்குமாா், சட்டப் பேரவை உறுப்பினா்கள் பெ.ராமலிங்கம் (நாமக்கல்), கே.பொன்னுசாமி (சேந்தமங்கலம்), மாநகராட்சி மேயா் து.கலாநிதி, துணை மேயா் செ.பூபதி, தொகுதி பாா்வையாளா்கள் நன்னியூா் ராஜேந்திரன், ஜான், ரேகா பிரியதா்ஷினி, மாநில, மாவட்ட நிா்வாகிகள் கலந்துகொண்டனா்.

கருணாநிதியின் முழுஉருவ வெண்கலச் சிலையானது பீடத்துடன் சோ்த்து 22 அடி உயரம் கொண்டதாகும். சிலை திறப்பு விழாவையொட்டி, நிகழ்ச்சியில் ஏராளமான பொதுமக்கள் கலந்துகொண்டனா்.

முதல்வா் வருகையை முன்னிட்டு நாமக்கல் நகரப் பகுதியில் போக்குவரத்து மாற்றம் செய்யப்பட்டிருந்தது. முன்னதாக, சேலத்தில் இருந்து நாமக்கல் நோக்கி சாலை மாா்க்கமாக முதல்வா் வந்த போது, மல்லூா், ராசிபுரம், புதுச்சத்திரம், புதன்சந்தை பகுதிகளில் நின்றிருந்த பொதுமக்களைச் சந்தித்து முதல்வா் கலந்துரையாடினாா்.