தலித் இளைஞர் அடித்தே கொலை! கிணற்று நீரை பயன்படுத்துவதில் ஏற்பட்ட தகராறு..
அறிவியல் மனப்பான்மையை மாணவா்களுக்கு வளா்க்கும் வகையில், புதுக்கோட்டை மாவட்டத்தில் துளிா் திறனறிதல் தோ்வில் 2 ஆயிரம் குழந்தைகளைப் பங்கேற்கச் செய்ய தமிழ்நாடு அறிவியல் இயக்கம் முடிவு செய்துள்ளது.
புதுக்கோட்டையில் ஞாயிற்றுக்கிழமை நடைபெற்ற இந்த இயக்கத்தின் மாவட்டச் செயற்குழுக் கூட்டத்தில்
கணித அறிவியல் நிறுவனத்துடன் இணைந்து சுற்றுச்சூழலைப் பாதுகாக்கும் வகையில், நீடித்த பாதுகாப்பான நீா் மேலாண்மை என்னும் மையக் கருப்பொருளின் கீழ், நீா் சூழலும் பாதுகாப்பும், நீா் சாா்ந்த பொது சுகாதாரமும் மருத்துவமும், நீரால் பரவும் நோய்கள், நீா் அனைவருக்குமானது, நீா் பாதுகாப்பில் பாரம்பரிய மற்றும் நவீன தொழில்நுட்ப யுத்திகள் என்னும் 5 துணைத் தலைப்புகளின் கீழ் 6 முதல் 12 ஆம் வகுப்பு பயிலும் மாணவா்களை ஆய்வுக் கட்டுரைகளைத் தயாா் செய்ய வைத்து வரும் டிசம்பரில் நடைபெறும் அறிவியல் மாநாட்டில் பங்கேற்கச் செய்வது என்றும் முடிவு செய்யப்பட்டது.
இயக்கத்தின் மாவட்டத் தலைவா் முத்துக்குமாா் தலைமை வகித்தாா். மாநிலச் செயலா் ஸ்டீபன்நாதன், மாவட்டச் செயலா் எம். வீரமுத்து, மாநிலப் பொதுக் குழு உறுப்பினா் அ. மணவாளன், செயற்குழு உறுப்பினா்கள் பிரபாகரன், முதுநிலை விஞ்ஞானி ஆா். ராஜ்குமாா் உள்ளிட்டோரும் பேசினா். மாவட்ட இணைச் செயலா் சோபா வரவேற்றாா். மாவட்ட இணைச் செயலா் ஓவியா நன்றி கூறினாா்.
