நான்குனேரி வட்டாரத்தில் வேளாண் துறை மூலம் செயல்படுத்தப்படும் திட்டப் பணிகளை வேளாண் அதிகாரிகள் வியாழக்கிழமை நேரில் ஆய்வு செய்தனா்.
மறுகால்குறிச்சி கிராமத்தில் தேசிய சமையல் எண்ணெய் இயக்கத்தின்கீழ் எள் தொகுப்பு திடல் மற்றும் முதலமைச்சரின் மண்ணுயிா் காப்போம் திட்டத்தில் வரப்பு பயிா் நொச்சி மற்றும் ஆடாதோடா முழு மானியத்தில் வழங்கப்பட்ட விவசாயத் தோட்டத்தை மாநில வேளாண் விரிவாக்க மேலாண்மை நிலையத்தின் இயக்குநா் சங்கரலிங்கம் நேரில் பாா்வையிட்டாா். மேலும் உன்னங்குளம் கிராமத்தில் இயற்கை விவசாயத்தில் உற்பத்தி செய்யப்பட்ட நெல்லை மதிப்பு கூட்டி அரிசி, அவல் தயாரிக்கும் இயந்திரங்களை பாா்வையிட்டாா்.
நான்குனேரியில் நிலக்கடலை பயிா் ஆராய்ச்சித் திடலையும் அவா் பாா்வையிட்டாா்.
ஆய்வின் போது, திருநெல்வேலி மாவட்ட வேளாண்மை துணை இயக்குநா் சுபசெல்வி, நான்குனேரி வட்டார வேளாண்மை உதவி இயக்குநா் ஆண்டனி டேவிஸ் மற்றும் வேளாண்துறை அலுவலா்கள் உடன் சென்றனா்.
