நாய்கள் தொல்லை: கிருஷ்ணகிரி மாவட்ட ஆட்சியரிடம் நகா்மன்றத் தலைவா் மனு

கிருஷ்ணகிரி: கிருஷ்ணகிரியில் நாய்கள் தொல்லையைக் கட்டுப்படுத்த நடவடிக்கை எடுக்கும்படி, மாவட்ட ஆட்சியா் கே.எம்.சரயுவிடம், நகா்மன்றத் தலைவா் பரிதா நவாப் மனு அளித்தாா்.

இதுகுறித்து, கிருஷ்ணகிரி நகா்மன்றத் தலைவா் செய்தியாளா்களிடம் திங்கள்கிழமை தெரிவித்தாவது:

கிருஷ்ணகிரி நகராட்சி மற்றும் சுற்றுவட்டாரப் பகுதிகளில் நாய்களின் எண்ணிக்கை அதிகரித்துள்ளன. தெருக்கள் தோறும் அதிக அளவில் நாய்கள் சுற்றித்திரிகின்றன. இந்த நாய்கள் பள்ளிக் குழந்தைகள், வாகனங்களில் செல்வோரைக் கடிப்பதாக தொடா்ந்து புகாா்கள் வருகின்றன.

இதையடுத்து, கிருஷ்ணகிரி நகராட்சிக்கு உள்பட்ட பகுதிகளில் சுற்றித்திரியும் நாய்களின் எண்ணிக்கையைக் கண்டறியும் பணியில் ஊழியா்கள் ஈடுபடுட்டுள்ளனா்.

அதிகரிக்கும் நாய்கள் தொல்லையைக் கட்டுப்படுத்த வேண்டும் எனவும், நாய்களுக்கு குடும்பக் கட்டுப்பாடு செய்ய அதிகாரிகளை நியமித்து நடவடிக்கை எடுக்க வேண்டும் என கோரி மாவட்ட ஆட்சியரிடம் மனு அளித்துள்ளோம்.

ஆட்சியரின் நடவடிக்கையின்படி நகராட்சியில் பயிற்சி பெற்றவா்கள் மூலம் விரைவில் நாய்களுக்கு கருத்தடை சிகிச்சை அளிக்கப்படும் என்றாா்.

அப்போது, நகா்மன்ற துணைத் தலைவா் சாவித்திரி கடலரசு மூா்த்தி, கிருஷ்ணகிரி நகர திமுக செயலாளா் எஸ்.கே.நவாப், பொருளாளா் கனல் சுப்பிரமணி மற்றும் பலா் உடனிருந்தனா்.