கோட்டூா் கிராமத்தில் குவாரியால் விவசாயம் பாதிப்பு: சமரசப் பேச்சுவாா்த்தை

ஒசூா்: தேன்கனிக்கோட்டை வட்டம், கோட்டூா் கிராமத்தில் செயல்பட்டு வரும் இரண்டு குவாரிகள் மூலம் விவசாயப் பயிா்கள் பாதிக்கப்படுவதாக விடுதலைச் சிறுத்தைகள் கட்சியினா் போராட்டம் நடத்தப்போவதாக நோட்டீஸ் வெளியிட்டனா்.

இதனைத் தொடா்ந்து திங்கள்கிழமை தேன்கனிக்கோட்டை வட்டாட்சியா் அலுவலகத்தில் வட்டாட்சியா் கோகுல்நாத் தலைமையில் குவாரி உரிமையாளா்கள் மற்றும் விடுதலைச் சிறுத்தைகள் கட்சியினரிடம் பேச்சுவாா்த்தை நடத்தப்பட்டது.

இந்த பேச்சுவாா்த்தையில் மூன்று மாதங்களுக்குள் இப்பிரச்னை தொடா்பாக தீா்வு காணப்படும் என குவாரி உரிமையாளா்கள் சாா்பாக உறுதியளிக்கப்பட்டதைத் தொடா்ந்து பேச்சுவாா்த்தை சுமுகமாக முடிவு பெற்றது. இந்த அமைதி பேச்சுவாா்த்தைக் கூட்டத்தில் தேன்கனிக்கோட்டை காவல் ஆய்வாளா் கணேஷ்குமாா், மண்டல துணை வட்டாட்சியா் அம்மு, தேன்கனிக்கோட்டை வருவாய் ஆய்வாளா், பசுவராஜ் மற்றும் ஆய்வாளா்கள், கிராம நிா்வாக அலுவலா், மற்றும் விடுதலைச் சிறுத்தை கட்சி மாவட்டச் செயலாளா் செல்வம், தளி தொகுதி செயலாளா் ராஜப்பா, துணைச் செயலாளா் சம்பங்கி, தளி வரதராஜ், அஞ்செட்டி நாகராஜ், பாா்வதி அம்மா, ரத்னமா மற்றும் கிராம உதவியாளா், கிராம பொதுமக்கள் கலந்து கொண்டனா்.