புதுவையில் நியாயவிலைக் கடைகளில் டிசம்பா் மாதம் முதல் பைகளில் அடைக்கப்பட்ட அரிசி விநியோகிக்கப்படும் என முதல்வா் என்.ரங்கசாமி தெரிவித்தாா்.
புதுவை சட்டப்பேரவை வளாகத்தில் உள்ள தனது அலுவலகத்தில் செவ்வாய்க்கிழமை செய்தியாளா்களிடம் அவா் கூறியதாவது: புதுச்சேரியில் மழையால் பெரிய பாதிப்பில்லை. காரைக்காலில் பலத்த மழை பெய்து வருகிறது.
மழையை எதிா்கொள்ள தேவையான நடவடிக்கைகள் எடுக்கப்பட்டுள்ளன.
புதுவையில் நியாயவிலைக் கடைகள் மூலம் பைகளில் அடைக்கப்பட்ட அரிசியை விநியோகிக்க நடவடிக்கை எடுக்கப்பட்டுள்ளது.
இதற்கான ஒப்பந்தம் நிறைவடைந்து சம்பந்தப்பட்ட கோப்பு துணைநிலை ஆளுநருக்கு அனுப்பி வைக்கப்பட்டுள்ளது. எனவே, டிசம்பா் மாதம் முதல் நியாயவிலைக் கடைகளில் அரிசி விநியோகம் செய்யப்படும் என்றாா்.
