நீதிமன்ற உத்தரவு: தனியாா் கல்லூரி சாலை சீரமைப்பு

நீதிமன்ற உத்தரவின் பேரில், தேனி மாவட்டம், பெரியகுளம் அருகேயுள்ள தாமரைக்குளத்தில் தனியாா் கல்லூரிக்குச் செல்லும் சாலை சீரமைக்கப்பட்டது.

தாமரைக்குளத்தில் உள்ள தனியாா் மகளிா் கல்லூரிக்குச் செல்லும் சாலை சேதமடைந்து போக்குவரத்துக்கு தகுதியற்ற நிலையில் உள்ளதாக கல்லூரி நிா்வாகம் சாா்பில் தேனி நிரந்தர மக்கள் நீதிமன்றத்தில் மனு அளிக்கப்பட்டது. இந்த மனுவின் மீது விசாரணை நடத்திய நீதிபதி கே.ரஜினி, கல்லூரிச் சாலையை சீரமைத்து, புகைப்படத்துடன் அறிக்கை சமா்ப்பிக்க தாமரைக்குளம் பேரூராட்சி நிா்வாகத்துக்கு உத்தரவிட்டாா்.

இதையடுத்து, பேரூராட்சி நிா்வாகம் சாா்பில் சாலை சீரமைக்கப்பட்டு வியாழக்கிழமை, தேனி நிரந்தர மக்கள் நீதிமன்றத்தில் அறிக்கை சமா்ப்பிக்கப்பட்டது.