நீா் செறிவூட்டல் திட்ட ஆலோசனைக் கூட்டம்

திருப்பூா் மாவட்டத்தில் மழை நீரை குளம், குட்டைகளில் செறிவூட்டல் திட்டம் தொடா்பான ஆலோசனைக் கூட்டம் மாவட்ட ஆட்சியா் அலுவலகத்தில் வியாழக்கிழமை நடைபெற்றது.

கூட்டத்துக்கு, தமிழ் வளா்ச்சி மற்றும் செய்தித் துறை அமைச்சா்.மு.பெ.சாமிநாதன் தலைமை வகித்தாா். மாவட்ட ஆட்சியா் தா.கிறிஸ்துராஜ் முன்னிலை வகித்தாா்.

கூட்டத்தில் அமைச்சா் மு.பெ.சாமிநாதன் பேசியதாவது:

திருப்பூா் மாவட்டத்தில் நிலத்தடி நீரை மேம்படுத்தும் பொருட்டு மழைநீரை குளம், குட்டைகள், பொதுக்கிணறுகள் மற்றும் ஆழ்குழாய் கிணறுகளில் நீா் செறிவூட்டும் திட்ட குழு அமைக்கப்பட்டுள்ளது.

திருப்பூா், அவிநாசி, பல்லடம், தாராபுரம், காங்கயம், ஊத்துக்குளி, வெள்ளக்கோவில், மூலனூா், உடுமலைப்பேட்டை, மடத்துக்குளம், பொங்கலூா், குண்டடம், குடிமங்கலம் ஆகிய 13 ஊராட்சி ஒன்றியங்களிலுள்ள 4179.94 ஹெக்டோ் பரப்பளவில் உள்ள 1,149 குளம், குட்டைகளில் தண்ணீா் இருப்பு குறித்து ஆய்வு மேற்கொள்ளப்பட்டது. மேலும், மழை நீா் சேகரிப்பு மற்றும் ஓடைகள்

பராமரிப்பு குறித்தும், திருப்பூா் மாவட்டத்திலுள்ள 1,478 பொதுக்கிணறுகள் மற்றும் 1,410 ஆழ்குழாய் கிணறுகளின் விவரங்கள் குறித்தும், காங்கயம் ஊராட்சி ஒன்றியத்தில் பாலசமுத்திரம்புதூா், படியூா் சிவன்மலை, கீரனூா், மரவப்பாளையம், ஆலம்பாடி, பரஞ்சோ்வழி, மருதுறை மற்றும் நத்தக்கடையூா் ஆகிய ஊராட்சி பகுதிகளில் உள்ள குளம், குட்டைகளுக்கு நீா் செறிவூட்டுவது தொடா்பாகவும் ஆய்வு மேற்கொள்ளப்பட்டது என்றாா்.

இந்த ஆய்வுக் கூட்டத்தில் மாவட்ட ஊரக வளா்ச்சி முகமையின் திட்ட இயக்குநா் கோ.மலா்விழி, திருப்பூா் மாநகராட்சி 4-ஆம் மண்டலத்தலைவா் இல.பத்மநாபன், உதவி இயக்குநா் (ஊராட்சிகள்) நாகராஜன், மாவட்ட ஆட்சியரின் நோ்முக உதவியாளா் (வளா்ச்சி) ஜெயசீலன், செயற்பொறியளாா்கள் (மாவட்ட ஊரக வளா்ச்சி முகமை) மோகனசுந்தரம், (தமிழ்நாடு குடிநீா் வடிகால் வாரியம்) முருகேசன், (பொதுப்பணித் துறை) செந்தில்குமரன் மற்றும் அலுவலா்கள் பலா் கலந்து கொண்டனா்.