பல்லடம் அருகே காரணம்பேட்டையில் மாயமான சிறுவனின் சடலம் மீட்பு

பல்லடம் அருகே காரணம்பேட்டையில் மாயமான சிறுவனின் சடலத்தை போலீஸாா் மீட்டனா்.

ஒடிஸா மாநிலத்தைச் சோ்ந்தவா் சுந்தா் கோச்சா (42). இவருக்கு மனைவி பீலா கோச்சா (36), மகன் கணேஷ் (5) ஆகியோா். இவா் திருப்பூா் மாவட்டம், பல்லடம் அருகே காரணம்பேட்டையில் குடும்பத்துடன் வசித்து வருகிறாா். இதில் கணவன், மனைவி இருவரும் அருகே உள்ள மில்லில் பணியாற்றி வருகின்றனா்.

இந்நிலையில், சிறுவன் கணேஷ் வெள்ளிக்கிழமை மாயமானாா். இது குறித்து பீலா கோச்சா அளித்த புகாரின்பேரில், பல்லடம் போலீஸாா் வழக்குப் பதிவு செய்து சிறுவனை தேடி வந்தனா். இந்த நிலையில், வீட்டுக்கு அருகே உள்ள காட்டுப் பகுதியில் சிறுவனின் சடலம் சனிக்கிழமை கிடந்துள்ளது.

இது குறித்து இப்பகுதியினா் அளித்த தகவலின்பேரில், ஆய்வு மேற்கொண்ட போலீஸாா் சிறுவனின் சடலத்தை மீட்டு உடற்கூறாய்வுக்காக அனுப்பிவைத்தனா்.

சிறுவன் மா்மமான முறையில் உயிரிழந்தது குறித்து போலீஸாா் பல்வேறு கோணங்களில் விசாரணை நடத்தி வருகின்றனா்.