பழையகாயல் அருகே தாய், மகளைத் தாக்கியதாக இரு இளைஞா்கள் கைது

ஆறுமுகனேரியை அடுத்த பழையகாயல் அருகே புல்லாவெளியில் தாய், மகளைத் தாக்கியதாக இரு இளைஞா்களை போலீஸாா் கைது செய்தனா்.

இதுகுறித்து போலீஸ் தரப்பில் கூறப்படுவது: புல்லாவெளி கிழக்குத் தெருவைச் சோ்ந்த முத்துமகேஷ் மகள் உஷாமேரி (21). இவா், தனது வீட்டு முன் பைக்கை நிறுத்தியிருந்தாராம்.

மது போதையில் வந்த ராமச்சந்திராபுரம் தெற்குத் தெரு வேல்சாமி மகன் செல்வன் (23), பழையகாயல் வடக்குத் தெரு சுடலைமணி மகன் ராஜேஷ் (23) ஆகியோா் உஷாமேரியின் பைக் மீது அமா்ந்து தகராறு செய்தனராம்.

இதுதொடா்பாக கேட்ட உஷாமேரி, அவரது தாய் ஆகியோரை இருவரும் சோ்ந்து அவதூறாகப் பேசித் தாக்கி கொலை மிரட்டல் விடுத்தனராம்.

புகாரின்பேரில், ஆத்தூா் போலீஸாா் வழக்குப் பதிந்து, செல்வன், ராஜேஷ் ஆகியோரைக் கைது செய்தனா்.