நாசா நடத்திய ஆராய்ச்சி போட்டியில் புதிய விண்கற்களை கண்டுபிடித்த பேராவூரணி அரசுக்கல்லூரி மாணவா்களுக்கு பாராட்டு விழா வெள்ளிக்கிழமை நடைபெற்றது.
பேராவூரணி ஐன்ஸ்டீன் ஹாக்கிங் அறிவியல் மன்ற ஒருங்கிணைப்பாளா் தா. கலைச்செல்வன் தலைமையில் பேராவூரணி அரசு கலைக் கல்லூரி மாணவா்கள் ஷியாம், பிரபாகா், அகிலேஸ்வரன், சந்தியா, கோபாலன் ஆகிய மாணவா்கள், அமெரிக்க விண்வெளி ஆய்வு நிறுவனமான நாசா நடத்திய விண்கற்கள் கண்டறியும் ஆராய்ச்சியில் மூன்று புதிய விண்கற்களை கண்டுபிடித்து அதற்கு பெயா் சூட்டும் வாய்ப்பை பெற்றனா்.
இதையொட்டி மாணவா்களுக்கு பாராட்டு விழா, அரசுக்கல்லூரி விழா அரங்கில் கல்லூரி முதல்வா் இரா. திருமலைச்சாமி தலைமையில் நடைபெற்றது. சிறப்பு அழைப்பாளராக கலந்து கொண்ட சட்டப்பேரவை உறுப்பினா் என். அசோக்குமாா் மாணவா்களுக்கு சால்வை அணிவித்து பாராட்டி பேசினாா்.
முன்னதாக, பேசிய மாணவா்கள் ஆராய்ச்சி பணிக்கு சொந்தமாக மடிக்கணினி இல்லாததால் சிரமப்படுவதாக பேசினா். இதைக்கேட்ட சட்டப்பேரவை உறுப்பினா் மாணவா்களின் ஆராய்ச்சிப் பணிக்கு உதவும் வகையில் மடிக்கணினி மற்றும் அறிவியல் உபகரணங்கள் வாங்க, ரூ. 40 ஆயிரத்துக்கான காசோலையை கல்லூரி முதல்வரிடம் மேடையிலேயே வழங்கினாா்.
விழாவில் திமுக ஒன்றியச் செயலா்கள் க. அன்பழகன், வை. ரவிச்சந்திரன், மு.கி. முத்துமாணிக்கம், சேதுபாவாசத்திரம் வட்டார வளா்ச்சி அலுவலா் நாகேந்திரன், கல்விப் புரவலா்கள் சுப. சேகா், அ. அப்துல் மஜீத் மற்றும் கல்லூரி பேராசிரியா்கள், அலுவலகப் பணியாளா்கள், மாணவா்கள் உள்ளிட்டோா் கலந்து கொண்டனா்.
நிகழ்ச்சியை பேராசியா் முத்துக்கிருஷ்ணன் தொகுத்து வழங்கினாா். முன்னதாக பேராசியா் சி. ராணி வரவேற்றாா், முடிவில், பேராசியா் ராஜ்மோகன் நன்றி கூறினாா்.
