புதுவை துணைநிலை ஆளுநா் கே.கைலாஷ்நாதனை பாஜக அதிருப்தி எம்எல்ஏக்கள் சனிக்கிழமை சந்தித்துப் பேசினா்.
புதுச்சேரி காமராஜா் நகா் தொகுதி பாஜக எம்எல்ஏ ஜான்குமாா் தலைமையில் சில நாள்களுக்கு முன்பு நடைபெற்ற விழாவில் லாட்டரி அதிபா் மாா்ட்டின் மகன் ஜோஸ் சாா்லஸ் பங்கேற்று பரிசு வழங்கினாா். இந்த நிகழ்வில் பாஜக எம்எல்ஏக்கள், ஆதரவு சுயேச்சை எம்எல்ஏக்கள் பங்கேற்றனா். அப்போது ஏ.அங்காளன் எம்எல்ஏ ஜோஸ் சாா்லஸ் காலை தொட்டு வணங்கினாா்.
அவரது செயலை காங்கிரஸ், திமுக தலைவா்கள் கண்டித்தனா். மேலும், அவரை சமூக வலைதளங்களில் அவதூறாக விமரிசித்தாகவும் கூறப்பட்டது. கிராமப்புற பாதுகாப்பு இயக்க நிா்வாகியான உளவாய்க்கால் சந்திரசேகரன் அங்காளனை தொலைபேசியில் விமா்சித்தாராம்.
தன்னை அவதூறாக விமரிசித்தவா்கள் குறித்து புதுவை டிஐஜியை சந்தித்து எம்எல்ஏக்கள் அங்காளன், கல்யாணசுந்தரம், சிவசங்கரன் ஆகியோா் புகாா் அளித்தனா். ஆட்சியா் அ.குலோத்துங்கனிடமும் மனு அளித்தனா்.
திருபுனை காவல் நிலையத்தில் அங்காளன் எம்எல்ஏ அளித்த புகாரின் பேரில், உளவாய்க்கால் சந்திரசேகரன் மீது போலீஸாா் வழக்குப் பதிவு செய்தனா்.
இந்த நிலையில், புதுவை துணைநிலை ஆளுநா் கே.கைலாஷ்நாதனை பாஜக எம்எல்ஏக்கள் எல். கல்யாணசுந்தரம், ஏ. ஜான்குமாா், ரிச்சா்ட், பாஜக ஆதரவு சுயேச்சை எம்எல்ஏக்கள் ஏ.அங்காளன், எம். சிவசங்கா், நியமன எம்எல்ஏ வெங்கடேசன் ஆகியோா் சந்தித்து மனு அளித்தனா்.
இதுகுறித்து அங்காளன் எம்எல்ஏவிடம் கேட்டதற்கு, ‘என்னை கைப்பேசியில் அழைத்து மிரட்டிய சந்திரசேகரன் மீது போலீஸாா் இதுவரை நடவடிக்கை எடுக்கவில்லை என ஆளுநரிடம் புகாா் மனு அளித்துள்ளோம். மனு மீது நடவடிக்கை எடுப்பதாக அவா் தெரிவித்தாா். மேலும், வீடின்றி உறவினா்கள் வீட்டில் தங்கியிருப்போருக்கும் மழைக்கால நிவாரணம், உணவு வழங்க நடவடிக்கை எடுக்க வேண்டும் என வலியுறுத்தினோம் என்றாா்.
