மதுரை மாவட்டம், வாடிப்பட்டி அருகே திருமணத் தகராறில் பெண் கத்தியால் குத்தப்பட்டாா். இது தொடா்பாக 7 போ் மீது வழக்குப் பதிவு செய்த போலீஸாா், இருவரை திங்கள்கிழமை கைது செய்தனா்.
வாடிப்பட்டி அருகே உள்ள எம்.புதுப்பட்டியைச் சோ்ந்த சசிகுமாா் மகன் அபினேஷ் (24). இவா் இதே பகுதியைச் சோ்ந்த முத்து என்பவரது மகளைக் காதலித்து திருமணம் செய்தாா். இதனால், இரு குடும்பத்தினருக்கும் இடையே முன்விரோதம் இருந்து வந்தது.
இந்த நிலையில், ஞாயிற்றுக்கிழமை இரவு இரு தரப்பினரும் ஆயுதங்களுடன் மோதிக் கொண்டனா். இதில் அபினேசின் தாய் வளா்மதி கத்தியால் குத்தப்பட்டு, பலத்த காயமடைந்த நிலையில் அரசு மருத்துவமனையில் சோ்க்கப்பட்டாா்.
இதுகுறித்து காடுபட்டி போலீஸாா் வழக்குப் பதிவு செய்து பெண்ணின் தந்தை முத்து (46), உறவினா் அழகுராஜா (37), மாயக்குரும்பன்பட்டியைச் சோ்ந்த பாா்த்திபன்(30) ஆகியோா் மீதும், எதிா்த் தரப்பில் அபினேசின் சகோதரா் அருண்குமாா்(27), தாய் வளா்மதி (48), தந்தை சசிகுமாா் (54), உறவினா் செல்வராஜ் (50) உள்பட 7 போ் மீதும் வழக்குப்பதிவு செய்தனா். இவா்களில் அழகுராஜா, அருண்குமாா் ஆகிய இருவரையும் கைது செய்தனா்.
