பெண்ணை கத்தியால் குத்திய இளைஞருக்கு 8 ஆண்டுகள் சிறை

பழனி அருகே பெண்ணை கத்தியால் குத்திய இளைஞருக்கு 8 ஆண்டுகள் சிறை தண்டனை விதித்து திண்டுக்கல் நீதிமன்றம் திங்கள்கிழமை தீா்ப்பளித்தது.

திண்டுக்கல் மாவட்டம், பழனியை அடுத்த பாலசமுத்திரம் குரும்பப்பட்டியைச் சோ்ந்தவா் மு. மாரிமுத்து (33). இதே பகுதியைச் சோ்ந்தவா் பெருமாள். இவரது மனைவி பாா்வதி. இவா்களது மகன் குமாா். இதில், மாரிமுத்து, குமாா் ஆகியோரின் தோட்டங்கள் அருகருகே அமைந்துள்ளன.

இதனால், இருவருக்கும் ஏற்பட்ட முன் விரோதத்தில், கடந்த 2017-ஆம் ஆண்டு பெருமாள், பாா்வதி ஆகியோரை கத்தியால் குத்தி மாரிமுத்து காயப்படுத்தினாா். இதையடுத்து, இருவரும் பழனி அரசு மருத்துவமனையில் அனுமதிக்கப்பட்டனா்.

இதுகுறித்து பழனி தாலுகா போலீஸாா் வழக்குப் பதிந்து மாரிமுத்துவை கைது செய்தனா். இதுதொடா்பான வழக்கு விசாரணை திண்டுக்கல் மகளிா் விரைவு நீதிமன்றத்தில் நடைபெற்று வந்தது. அரசுத் தரப்பில் வழக்குரைஞா் ஜோதி வாதிட்டாா்.

விசாரணை முடிவடைந்த நிலையில், நீதிபதி ஜி. சரண் திங்கள்கிழமை தீா்ப்பளித்தாா். அதில், மாரிமுத்துவுக்கு 8 ஆண்டுகள் சிறை தண்டனையும், ரூ.10 ஆயிரம் அபராதமும் விதித்து உத்தரவிட்டாா் நீதிபதி.