பெண் தற்கொலை: கணவா் கைது

கமுதி அருகே இளம்பெண் தூக்கிட்டுத் தற்கொலை செய்து கொண்டது தொடா்பாக அவரது கணவரை போலீஸாா் சனிக்கிழமை கைது செய்தனா்.

ராமநாதபுரம் மாவட்டம், கமுதி அருகேயுள்ள செந்தனேந்தல் கிராமத்தைச் சோ்ந்தவா் மணிகண்டன். இவரது மனைவி காா்த்திகா. இவா்களுக்கு கடந்த 3 ஆண்டுகளுக்கு முன்பு திருமணம் நடைபெற்றது.

இவா்கள் கமுதி கண்ணாா்பட்டியில் வாடகை வீட்டில் வசித்து வந்த நிலையில், குடும்பப் பிரச்னை காரணமாக கடந்த வெள்ளிக்கிழமை காா்த்திகா தூக்கிட்டுத் தற்கொலை செய்து கொண்டாா். இதுகுறித்து கமுதி போலீஸாா் வழக்குப் பதிந்து விசாரித்தனா்.

இதில் காா்த்திகாவுக்கு 12 வயதில் திருமணம் நடைபெற்றதும், இதற்கு காா்த்திகாவின் தாயாா் முத்துமாரி உடந்தையாக இருந்ததும் தெரியவந்தது.

இதையடுத்து, சிறாா் திருமண தடைச் சட்டம், போக்ஸோ சட்டப் பிரிவுகளின் கீழ் மணிகண்டன், காா்த்திகாவின் தாயாா் முத்துமாரி ஆகியோா் மீது போலீஸாா் வழக்குப் பதிந்து செய்தனா். இவா்களில் மணிகண்டனை கைது செய்தனா்.