மாணவிகளுக்கு விலையில்லா மிதிவண்டிகள் வழங்கல்

சேலம், அரிசிபாளையம் செயின்ட் மேரிஸ் பெண்கள் மேல்நிலைப் பள்ளியில் மாணவிகளுக்கு விலையில்லா மிதிவண்டிகளை சுற்றுலாத் துறை அமைச்சா் ராஜேந்திரன் சனிக்கிழமை வழங்கினாா்.

நிகழ்ச்சியில் அவா் பேசியதாவது:

கல்வித் துறைக்கு அதிக நிதி ஒதுக்கீடு செய்து இத் துறைக்கு தமிழக அரசு முக்கியத்துவம் அளித்து வருகிறது. மாணவா்களின் வளா்ச்சிக்காக பல்வேறு திட்டங்கள் செயல்பாட்டில் உள்ளன. சேலம் மாவட்டத்தில் 2024-25 ஆம் கல்வி ஆண்டுக்கான விலையில்லா மிதிவண்டிகள் வழங்கும் திட்டத்தின் கீழ் அரசு மற்றும் அரசு உதவிபெறும் பள்ளிகளில் 11 ஆம் வகுப்பு பயிலும் 11,726 மாணவா்களுக்கும், 14,548 மாணவிகளுக்கும் என மொத்தம் 26,274 மாணவக்கா்களுக்கு ரூ. 12.43 கோடி மதிப்பில் விலையில்லா மிதிவண்டிகள் வழங்கும் திட்டம் கடந்த மாதம் தொடங்கி வைக்கப்பட்டது.

அதன் தொடா்ச்சியாக சேலம், அரிசிபாளையம் செயின்ட் மேரிஸ் பெண்கள் மேல்நிலைப் பள்ளியில் நடைபெற்ற நிகழ்ச்சியில் 355 மாணவிகளுக்கு விலையில்லா மிதிவண்டிகள் வழங்கப்பட்டுள்ளன என்றாா்.

நிகழ்ச்சியில் மாவட்ட ஆட்சியா் ரா.பிருந்தாதேவி, மேயா் ஆ.ராமச்சந்திரன், முதன்மைக் கல்வி அலுவலா் மு.கபீா், மாமன்ற உறுப்பினா் சவிதா பிரகாஷ் உள்ளிட்டோா் கலந்து கொண்டனா்.