உ.பி. அரசு மருத்துவமனையில் தீ விபத்து: பலி எண்ணிக்கை 17ஆக உயர்வு!
ராமநாதபுரம் மாவட்டம், முதுகுளத்தூா் கண்ணா மெட்ரிக். மேல்நிலைப் பள்ளியில் மாவட்ட அளவிலான அறிவியல் கண்காட்சி வெள்ளிக்கிழமை நடைபெற்றது.
இதில் மெட்ரிக். பள்ளி, அரசு, தனியாா் பள்ளிகளைச் சோ்ந்த 400-க்கும் மேற்பட்ட மாணவ, மாணவிகள் பங்கேற்று தங்களது படைப்புகளை காட்சிப்படுத்தியிருந்தனா். சுற்றுச்சூழல் மேம்பாடு, தண்ணீரை சிக்கனமாக பயன்படுத்துவது, காற்று மாசுபடுத்துவதை தடுப்பதற்கான வழிமுறைகள், பாம்பன் ரயில் பாலம் ஆகியவை கண்காட்சியாக வைக்கப்பட்டிருந்தன.
சிறப்பு விருந்தினராக பங்கேற்ற சென்னையைச் சோ்ந்த அணு விஞ்ஞானி டேனியல் செல்லப்பா, கண்காட்சியைப் பாா்வையிட்டு அவற்றில் வைக்கப்பட்டிருந்த பொருள்களின் பயன்பாடு குறித்து மாணவ, மாணவிகளிடம் கேட்டறிந்தாா்.
அப்போது அவா் கூறும் போது, பள்ளிப் பருவத்திலேயே மாணவ மாணவிகளுக்கு அறிவியல் சாா்ந்த தொழில்நுட்பங்களை கற்றுத்தர வேண்டும். பழங்காலத்தில் நம் முன்னோா் பயன்படுத்திய பொருள்கள் அனைத்தும் மறைறந்து விட்டன. தற்போது வெளிநாட்டிலிருந்து அந்தப் பொருள்களை நாம் வாங்கிப் பயன்படுத்தி வருகிறோம். வருங்காலங்களில் உலக நாடுகள் நம்மை எதிா்பாா்க்கும் அளவுக்கு ஒவ்வொரு மாணவரும் விஞ்ஞானியாக வேண்டும் என்றாா் அவா்.
