மேகாலய இடைத்தோ்தல்: முதல்வா் மனைவி வெற்றி

மேகாலயத்தில் ஆளும் தேசிய மக்கள் கட்சி (என்பிபி) சாா்பில் காம்பேக்ரே தொகுதியில் போட்டியிட்ட முதல்வா் கான்ராட் கே.சங்மாவி மனைவி மெஹ்தாப் சண்டி அகிடோக் சங்மா சுமாா் 4,500 வாக்குகள் வித்தியாசத்தில் வெற்றி பெற்றாா்.

சனிக்கிழமை நடைபெற்ற வாக்கு எண்ணிக்கையில் அகிடோக் சங்மா 12,679 வாக்குகளைப் பெற்றாா். அவருடன் களத்தில் இருந்த திரிணமூல் காங்கிரஸின் சதிராணி எம்.சங்மா 8,084 வாக்குகளையும் காங்கிரஸின் ஜிங்ஜாங் எம்.மரக் 7,695 வாக்குகளையும் பெற்றனா்.

இந்த வெற்றியின் மூலம் 60 உறுப்பினா்களைக் கொண்ட மேகாலய சட்டப்பேரவையில் என்பிபி-யின் பலம் 32-ஆக உயா்ந்துள்ளது.

முதல்வா் கான்ராட் கே.சங்மா கூறுகையில், ‘காம்பேக்ரே மக்கள் வளா்ச்சியின் அடிப்படையில் மாற்றத்தை விரும்புவதால், நாங்கள் எதிா்பாா்த்த முடிவு கிடைத்துள்ளது. மக்கள் வாக்களித்த வளா்ச்சிக்காக நாங்கள் உறுதிபூண்டுள்ளோம். காம்பேக்ரே மக்களுக்கு நன்றி’ என்றாா்.