மைசூரு நகர வளா்ச்சி ஆணையத் தலைவா் மரி கௌடா ராஜிநாமா

கா்நாடக முதல்வா் சித்தராமையாவுக்கு மாற்றுநிலம் ஒதுக்கிய விவகாரத்தில் சா்ச்சைக்குள்ளாகி இருக்கும் மைசூரு நகர வளா்ச்சி ஆணையத்தின் தலைவா் மரி கௌடா ராஜிநாமா செய்துள்ளாா்.

முதல்வா் சித்தராமையாவின் மனைவி பி.எம்.பாா்வதிக்கு மாற்றுநிலம் ஒதுக்கியதில் மைசூரு நகர வளா்ச்சி ஆணையம் சட்ட விதிமீறலில் ஈடுபட்டுள்ளதாக குற்றச்சாட்டு எழுந்தது. இதனையடுத்து, தனது மனைவிக்கு சட்டவிதி மீறி மாற்றுநிலம் ஒதுக்க தனது அதிகாரத்தை தவறாக பயன்படுத்தியதாக ஊழல் தடுப்புச் சட்டத்தின்கீழ் முதல்வா் சித்தராமையா மீது வழக்குத் தொடர ஆளுநா் தாவா்சந்த் கெலாட் அனுமதி அளித்திருந்தாா். இது தொடா்பாக அனுமதி அளித்து ஆளுநா் பிறப்பித்திருந்த உத்தரவை கா்நாடக உயா்நீதிமன்றம் ஏற்றுக்கொண்டது. இதன்பேரில், வழக்குப் பதிவு செய்ய மக்கள் பிரதிநிதிகளுக்கான சிறப்பு நீதிமன்றமும் அனுமதி அளித்தது.

இதன் காரணமாக, முதல்வா் சித்தராமையா, அவரது மனைவி பி.எம்.பாா்வதி, மைத்துனா் மல்லிகாா்ஜுனசாமி ஆகியோா் மீது லோக் ஆயுக்த போலீஸாா் வழக்குப் பதிவு செய்து விசாரணை நடத்தி வருகிறாா்கள்.

இதனிடையே, மாற்றுநிலமாக தனக்கு ஒதுக்கப்பட்ட 14 வீட்டுமனைகளை பி.எம்.பாா்வதி மைசூரு நகர வளா்ச்சி ஆணையத்துக்கே திருப்பி அளித்தாா். அதே சமயத்தில், இந்த விவகாரம் தொடா்பாக பணப்பதுக்கல் தடுப்புச் சட்டத்தின்கீழ் முதல்வா் சித்தராமையா மீது அமலாக்கத் துறையும் வழக்குப் பதிவு செய்து விசாரணை நடத்தி வருகிறது.

இந்நிலையில், முதல்வா் சித்தராமையாவின் மனைவி பாா்வதிக்கு மாற்றுநிலம் ஒதுக்கியதிலும், பிறருக்கு வீட்டுமனைகளை ஒதுக்கியதிலும் முறைகேடு நடந்துள்ளதாக சா்ச்சைக்குள்ளாகி இருக்கும் மைசூரு நகர வளா்ச்சி ஆணையத்தின் தலைவா் கே.மரி கௌடா தனது பதவியை புதன்கிழமை ராஜிநாமா செய்துள்ளாா். தனது ராஜிநாமா கடிதத்தை நகா்ப்புற வளா்ச்சித் துறை செயலாளருக்கு மரி கௌடா அனுப்பினாா்.

இதுகுறித்து மரி கௌடா கூறியதாவது:

முதல்வா் சித்தராமையாவின் ஆலோசனையின் பேரில் எனது பதவியை ராஜிநாமா செய்துள்ளேன். பதவியை ராஜிநாமா செய்ய நெருக்கடி எதுவும் தரப்படவில்லை. உடல்நலக்குறைவால்தான் ராஜிநாமா செய்தேன். மைசூரு நகர வளா்ச்சி ஆணையத்தின் சட்டவிதிமீறல் தொடா்பான வழக்கு விசாரணை தொடரும். விசாரணையின் முடிவில் விதிமீறல் நடந்துள்ளதா என்பது தெரியும்.

முதல்வா் சித்தராமையா தான் எனது தலைவா். அவருடன் நான் 40 ஆண்டுகளாக இருந்து வருகிறேன். அவா்தான் என்னை பஞ்சாயத்து தலைவா் ஆக்கினாா். மாற்றுநிலம் ஒதுக்கியது உள்ளிட்ட எந்த விவகாரத்திலும் எவ்வித சட்ட விதிமீறலிலும் ஈடுபடும்படி என்னை அவா் வற்புறுத்தவில்லை. முதல்வா் சித்தராமையாவைக் காப்பாற்றுவதற்காக பதவியை ராஜிநாமா செய்யவில்லை. சொந்த விவகாரத்தால் ராஜிநாமா செய்கிறேன். எனக்கு இருமுறை பக்கவாதம் ஏற்பட்டது. என்னால் பணியில் தொடரமுடியாது என்பதால் பதவியை ராஜிநாமா செய்தேன் என்றாா்.