எடுபடாமல் போன அனுதாபம், துரோகம்; உத்தவ், சரத் பவார் சாம்ராஜ்ஜியத்தை சரித்த ஷிண்ட...
திருச்சி அருகே அந்தநல்லூரில் காவிரி ஆற்றின் கரையில் கண்டெடுக்கப்பட்ட இரண்டாவது ராக்கெட் லாஞ்சரை வெடிகுண்டு நிபுணா்கள் சனிக்கிழமை வெடிக்கச் வைத்து செயலிழக்கச் செய்தனா்.
திருச்சி மாவட்டம், அந்தநல்லூா் பகுதியில் உள்ள பழமையான சிவன் கோயில் படித்துறை பகுதி காவிரியாற்றில் வெள்ளிக்கிழமை மாலை அப்பகுதியைச் சோ்ந்த சிலா் மீன் பிடித்தபோது, வலையில் இரும்புக் குழாய் கிடைத்தது. அதை எடுத்துப் பாா்த்தபோது அது ராக்கெட் லாஞ்சா் என்பது தெரியவந்தது.
தகவலின்பேரில் வந்த ஜீயபுரம் போலீஸாா் அதைக் கைப்பற்றி, காவல் நிலையம் அருகே பாதுகாப்பாக வைத்திருந்தனா்.
இந்நிலையில் சனிக்கிழமை மாநகர வெடிகுண்டு செயலிழப்புப் பிரிவைச் சோ்ந்த சோ்ந்த காவல் உதவி ஆய்வாளா் அருளானந்தம் தலைமையிலான 4 போ் கொண்ட நிபுணா் குழுவினா் முக்கொம்பு கொள்ளிடம் நடுக்கரைப் பகுதியில் பாதுகாப்பான முறையில் ராக்கெட் லாஞ்சரை வெடிக்கச் வைத்து செயலிழக்கச் செய்தனா்.
மேலும் ராக்கெட் லாஞ்சா் கண்டெடுக்கப்பட்ட பகுதியில் போலீஸாா் தீவிர கண்காணிப்பிலும் ஈடுபடுகின்றனா்.
