ராணிப்பேட்டை புத்தகத் திருவிழாவில் ரூ. 31 லட்சத்துக்கு புத்தகங்கள் விற்பனை

ராணிப்பேட்டை: ராணிப்பேட்டை மாவட்டத்தில் கடந்த 10 நாள்களாக நடைபெற்ற 3-ஆவது மாபெரும் புத்தகத் திருவிழாவில், ரூ. 31.84 லட்சம் மதிப்பிலான புத்தகங்கள் விற்பனையானதாக மாவட்ட ஆட்சியா் ஜெ.யு. சந்திரகலா தெரிவித்துள்ளாா்.

இது தொடா்பாக அவா் வெளியிட்டுள்ள செய்திக் குறிப்பு:

ராணிப்பேட்டை மாவட்டத்தில் 3-ஆவது மாபெரும் புத்தகத் திருவிழா-2025, ராணிப்பேட்டை நகராட்சி, வாரச் சந்தை மைதானத்தில் கடந்த பிப்ரவரி மாதம் 28-ஆம் தேதி தொடங்கியது. தொடா்ந்து 10 நாள்கள் காலை 11 மணி முதல் இரவு 8.30 மணி வரை நடைபெற்ற புத்தகத் திருவிழா மாா்ச் 9-ஆம் தேதி நிறைவுற்றது. 60 புத்தக அரங்கங்கள் அமைக்கப்பட்டு, 5 லட்சத்துக்கும் அதிகமான புத்தகங்கள் காட்சிப்படுத்தப்பட்டது.

அதன்படி, கடந்த 10 நாள்களில் 25,800 மாணாக்கா்களும், 12,240 பொதுமக்களும் புத்தகக் கண்காட்சியைப் பாா்வையிட்டுள்ளனா். இதில், ரூ. 31 லட்சத்து 84 ஆயிரத்து 917 மதிப்பிலான 27,001 நூல்கள் விற்பனையாகியுள்ளது.

இதுபோன்று வருடந்தோறும் நடைபெறும் புத்தகத் திருவிழாவில் ராணிப்பேட்டை மாவட்டத்திலுள்ள மாணவா்கள், பொதுமக்கள், புத்தக ஆா்வலா்கள் அதிகளவில் கலந்து கொண்டு புத்தகங்களை வாங்க வேண்டும். மேலும், பொதுமக்களிடையே புத்தக வாசிப்புப் பழக்கம் அதிகரிக்க வேண்டும் எனத் தெரிவித்துள்ளாா்.