ரூ.10,000 கோடி சொத்து: ஷாருக் கான், சல்மான் கானை பின்னுக்குத் தள்ளிய பாலிவுட்டின் பணக்கார குடும்பம்!

சமீபத்தில் வெளியான இந்திய பணக்காரர்கள் பட்டியலில் பாலிவுட் நடிகர் ஷாருக் கான் இடம் பெற்று இருந்தார். பாலிவுட்டில் செல்வாக்கு மிகவும் நடிகராகவும் ஷாருக் கான் இருக்கிறார். சொந்தமாக ஐ.பி.எல் கிரிக்கெட் அணி உட்பட ஏராளமான சொத்துகள் அவருக்கு இருக்கிறது. ஆனால் பாலிவுட்டில் மிகவும் பணக்கார குடும்பம் எது என்பது தொடர்பாக தற்போது வெளியாகி இருக்கும் செய்தி வேறு மாதிரி இருக்கிறது.

ஹூருன் இந்தியா, பாலிவுட்டில் எந்த குடும்பத்திற்கு அதிக சொத்து இருக்கிறது என்பது தொடர்பாக செய்தி வெளியிட்டுள்ளது. அதில் ரூ.10 ஆயிரம் கோடி சொத்துடன் டி சீரியஸ் மியூசிக் கம்பெனி உரிமையாளர் புஷன் குமார் குடும்பம் முதலிடத்தில் இருக்கிறது.

பாடகர் குல்சல் குமார் சகோதரர்கள் குடும்பத்திற்கு 10 ஆயிரம் கோடி அளவுக்கு சொத்து இருக்கிறது. பாலிவுட்டின் பணக்கார குடும்பம் என்ற பெயரை அதிக நாட்கள் யஷ்ராஜ் ஸ்டூடியோ உரிமையாளரான சோப்ரா குடும்பம் வைத்திருந்தது. சில காலம் கபூர் குடும்பமும் வைத்திருந்தது. ஆனால் இப்போது அந்த இடத்தை புஷன் குமார் குடும்பம் தட்டிப்பறித்து இருக்கிறது. சோப்ரா குடும்பத்திற்கு 8 ஆயிரம் கோடி சொத்து இருப்பதாக ஹூருன் இந்தியா தெரிவித்துள்ளது. இதே போன்று ஷாருக் கான் குடும்பத்திற்கு ரூ.7,500 கோடியும், சல்மான் கான் குடும்பத்திற்கு 3,500 கோடியும் சொத்து இருப்பதாக அதில் குறிப்பிடப்பட்டுள்ளது.

புஷன் குடும்பத்தில் 4 முதல் 5 வாரிசுகள் இருக்கின்றனர். ஒவ்வொருவருக்கும் எவ்வளவு சொத்து இருக்கிறது என்ற விபரத்தை தெரிவிக்கவில்லை. ஆனால் சகோதரிகள் துள்சி குமாருக்கு ரூ.250 கோடியும், குஷாலி குமாருக்கு ரூ.100 கோடியும் சொத்து இருப்பதாக மதிப்பிடப்பட்டுள்ளது. எஞ்சிய சொத்து புஷன் குமார் மற்றும் அவரது சித்தப்பாவும், டி சீரியஸ் இணை உரிமையாளருமான கிஷன் குமார் ஆகியோருக்கு சொந்தமாகும். புஷன் குமாரின் தந்தை குல்ஷன் குமார் டெல்லியில் பழவியாபாரியாக வாழ்க்கையை தொடங்கினார். குல்ஷன் குமாரும் அவரது தந்தையும் சேர்ந்து கேசட் விற்பனை செய்யும் கடை ஒன்றை விலைக்கு வாங்கினர். அதன் பிறகு அவர்களது வாழ்க்கையில் மிகப்பெரிய மாற்றம் ஏற்பட்டது. அதன் பிறகு டி சீரியஸ் என்ற கம்பெனி ஆரம்பித்து சொந்தமாக கேசட் வெளியிட்டனர். இன்றைக்கு ஸ்டூடியோ, நடிப்பு கல்லூரி போன்ற ஏராளமான சொத்துகள் இருக்கிறது.