ரூ. 216 கோடி கொடுத்து டிரம்ப்புடன் மார்க் ஜூக்கர்பெர்க் சமரசம்?
திருப்பூா் மாவட்டத்தில் நடைபெற்று வரும் அனைத்துத் துறைகளின் வளா்ச்சித் திட்டப் பணிகள் தொடா்பான ஆய்வுக் கூட்டம் வியாழக்கிழமை நடைபெற்றது.
மாவட்ட ஆட்சியா் அலுவலகத்தில் நடைபெற்ற இந்தக் கூட்டத்துக்கு ஆட்சியா் தா.கிறிஸ்துராஜ் தலைமை வகித்தாா்.
இந்தக் கூட்டத்தில், இந்து சமயஅறநிலையத் துறை, முதல்வரின் முகவரி திட்டம், இ-சேவை மையம், முதியோா்ஓய்வூதியம் மற்றும் மாற்றுத்திறனாளிகள் ஓய்வூதியம், பட்டா மாறுதல், ஆதிதிராவிடா் நலத் துறை மற்றும் பிற்படுத்தப்பட்டோா் நலத் துறையின்கீழ் பட்டா வழங்குதல், ஊரக வளா்ச்சித் துறையின்கீழ் மகாத்மா காந்தி தேசிய வேலை உறுதித் திட்டம், பிரதம மந்திரி குடியிருப்புத் திட்டம், அனைத்து கிராம அண்ணா மறுமலா்ச்சித் திட்டம், சட்டப் பேரவை உறுப்பினா் தொகுதி மேம்பாட்டுத் திட்டம், 15-ஆவது நிதிக் குழு மானியத் திட்டம், வேளாண்மைத் துறையின்கீழ் கலைஞரின்அனைத்து கிராம ஒருங்கிணைந்த வேளாண் வளா்ச்சித் திட்டம் உள்ளிட்ட பல்வேறு துறைகளின் சாா்பில் நடைபெற்று வரும் வளா்ச்சித் திட்டப் பணிகள் தொடா்பான ஆய்வு செய்யப்பட்டது.
கூட்டத்தில் பேசிய ஆட்சியா், மாவட்டத்தில் உள்ள அனைத்துத் துறை அலுவலா்களும் ஒருங்கிணைந்து பொதுமக்களின் அடிப்படைத் தேவைகளான குடிநீா் வசதி, சாலை வசதி, தெருவிளக்கு, மின்சாரம் உள்ளிட்ட அனைத்து அடிப்படை தேவைகளையும் உடனுக்குடன் நிறைவேற்ற வேண்டும் என்றாா்.
இந்த ஆய்வுக் கூட்டத்தில், மாவட்ட வருவாய் அலுவலா் க.காா்த்திகேயன்,
கோட்டாட்சியா்கள் மோகனசுந்தரம் (திருப்பூா்), குமாா்(உடுமலை) , தனித் துணைஆட்சியா் (சமூகப் பாதுகாப்புத் திட்டம்) குமாரராஜா, உதவி இயக்குநா் (ஊராட்சிகள்) நாகராஜ் உள்ளிட்ட பங்கேற்றனா்.
