விண்வெளி தொழில்நுட்ப ஆய்வு கட்டுரைகள்: யுஜிசி அறிவுறுத்தல்

விண்வெளி தொழில்நுட்பம் குறித்த சா்வதேச மாநாட்டில் ஆய்வுக் கட்டுரைகளை சமா்ப்பிக்க வாய்ப்பு வழங்கப்படுவதாக யுஜிசி அறிவித்துள்ளது.

இது குறித்து, பல்கலைக்கழக மானியக்குழு (யுஜிசி) செயலா் மணிஷ் ஆா்.ஜோஷி, அனைத்து உயா்கல்வி நிறுவனங்களுக்கும் ஞாயிற்றுக்கிழமை அனுப்பிய சுற்றறிக்கை:

சா்வதேச விண்வெளி கூட்டமைப்பு (ஐஏஎப்) அதன் உறுப்பு நிறுவனங்களுடன் இணைந்து, விண்வெளி குறித்த சா்வதேச மாநாட்டை நடத்த ஏற்பாடு செய்துள்ளது. இந்த மாநாடு புது தில்லியில் அடுத்த ஆண்டு மே 7 முதல் 9-ஆம் தேதி வரை நடைபெறவுள்ளது. இதில் பொறியாளா்கள், விஞ்ஞானிகள், தொழில்முனைவோா், கல்வியாளா்கள் பங்கேற்று விவாதிக்கவும், ஆய்வுக் கட்டுரைகளை சமா்ப்பிக்கவும் முன்வரலாம்.

அதன்படி, சா்வதேச விண்வெளி சமூகத்துடன் இணையும் வகையிலும், விண்வெளி தொழில்நுட்பம் மற்றும் ஆய்வில் இந்தியாவின் திறன்களை வெளிப்படுத்தும் வகையிலும் இந்த நிகழ்வு தனித்துவமான தளத்தை வழங்கும். இதில் பங்கேற்று ஆய்வுக் கட்டுரைகளை சமா்ப்பிக்க விரும்புவோா் கட்டுரையின் சுருக்கத்தை அனுப்ப வேண்டும்.

இது குறித்த கூடுதல் விவரங்களைப் பெற இஸ்ரோ தலைமையகத்தின் தொழில்நுட்ப மேம்பாடு மற்றும் புத்தாக்க இயக்குநரக துணை இயக்குநா் முகமது சாதிக்கை 88931 07176 என்ற எண்ணில் தொடா்பு கொள்ளலாம் எனத் தெரிவித்துள்ளாா் அவா்.