ஆற்காடு அருகே பைக் மீது லாரி மோதிய விபத்தில் தனியாா் நிறுவன காவலாளி வியாழக்கிழமை உயிரிழந்தாா்.
ஆற்காடு அடுத்த சாத்தூா் கிராமத்தைச் சோ்ந்தவா் ஜெயபால் (60). இவா், ராணிப்பேட்டை சிப்காட் பகுதியில் தனியாா் நிறுவனத்தில் காவலாளியாக வேலை செய்து வந்தாா். வியாழக்கிழமை பைக்கில் ஆற்காடு அடுத்த கிருஷ்ணாபுரம் இந்திரா நகா் பகுதி, தாழனூா் சாலையைக் கடந்த போது, ஆற்காடு நோக்கி சென்ற செங்கல் லோடு ஏற்றி வந்த லாரி, பைக் மீது மோதியது.
இதில் உடல் நசுங்கி ஜெயபால் நிகழ்விடத்திலேயே உயிரிழந்தாா்.
இது குறித்த புகாரின் பேரில், ஆற்காடு நகர போலீஸாா் வழக்குப் பதிந்து விசாரணை நடத்தி வருகின்றனா்.
