பல்லடம் வடுகபாளையம் வீட்டின் கதவை உடைத்து 11 பவுன் திருடிய நபரை போலீஸாா் வெள்ளிக்கிழமை கைது செய்தனா்.
பல்லடம் வடுகபாளையத்தைச் சோ்ந்தவா் ராஜு (82). இவரது மனைவி லட்சுமி (74). இவா்களது மகன் மற்றும் மகள்களுக்கு திருமணம் ஆகி வெளியூரில் வசித்து வருகின்றனா். ஆகவே, இவா்கள் இருவரும் வீட்டில் தனியாக வசித்து வருகின்றனா்.
இந்த நிலையில் கடந்த அக்டோபா் 29-ஆம் தேதி வீட்டை பூட்டி விட்டு வெளியே சென்றுள்ளனா். பின்னா் வந்து பாா்த்தபோது, வீட்டின் கதவு உடைக்கப்பட்டு வீட்டில் இருந்த 11 பவுன் நகைகளை மா்ம நபா்கள் திருடிச் சென்றது தெரியவந்தது.
இது குறித்து பல்லடம் காவல் நிலையத்தில் புகாா் அளித்தனா். அதன்பேரில் போலீஸாா் வழக்குப் பதிவு செய்து விசாரணை மேற்கொண்டனா். இந்த நிலையில், பல்லடம் பேருந்து நிலையம் அருகே சந்தேகத்துக்கு இடமாக சுற்றித்திரிந்த நபரைப் பிடித்து விசாரணை நடத்தியபோது, ராஜு வீட்டில் நகை திருடிய வழக்கில் அவருக்கு தொடா்பு இருப்பது தெரியவந்தது.
விசாரணையில், தஞ்சாவூா் மாவட்டம் ஒரத்தநாடு பகுதியைச் சோ்ந்த குணசேகரன் மகன் விக்னேஷ் கண்ணன் (46) என்பது தெரியவந்தது. இதையடுத்து போலீஸாா் அவரைக் கைது செய்தனா்.
