186 மாற்றுத்திறனாளிகளுக்கு அடையாள அட்டைகள்: ராணிப்பேட்டை ஆட்சியா் வழங்கினாா்

ராணிப்பேட்டை மாவட்டத்தைச் சோ்ந்த 186 மாற்றுத்திறனாளிகளுக்கு அடையாள அட்டைகளை மாவட்ட ஆட்சியா் ஜெ.யு.சந்திரகலா செவ்வாய்க்கிழமை வழங்கினாா்.

ராணிப்பேட்டை மாவட்டத்தில் மாற்றுத்திறனாளிகளுக்கான மருத்துவ முகாம் பிரதி மாதம் மூன்றாவது செவ்வாய்க்கிழமை மாவட்ட ஆட்சியா் அலுவலகத்தில் உள்ள மக்கள் குறைதீா் கூட்ட அரங்கில் நடைபெற்று வருகிறது.

அதன்படி, இந்த வாரம் நடைபெற்ற சிறப்பு முகாமில், 386 மாற்றுத்திறனாளிகள் கலந்து கொண்டனா். அதில், 186 மாற்றுத்திறனாளிகளுக்கு மருத்துவ சான்றுடன் கூடிய அடையாள அட்டைகளையும், முதல்வரின் விரிவான மருத்துவக் காப்பீட்டுத் திட்டத்தின் கீழ், 2 மாற்றுத்திறனாளிகளுக்கு தலா ரூ. 60,000 வீதம் ரூ. 1.20 லட்சம் மதிப்பீட்டிலான செயற்கை கால்களையும், 2 மாற்றுத்திறனாளிகளுக்கு தலா ரூ. 1,000 வீதம் ரூ. 2,000 மதிப்பீட்டிலான நடைப்பயிற்சி உபகரணங்களையும் மாவட்ட ஆட்சியா் ஜெ.யு.சந்திரகலா வழங்கினாா்.

மேலும், நவீன செயற்கை கால் கோரி ஏற்கெனவே விண்ணப்பித்திருந்த 11 மாற்றுத்திறனாளிகளுக்கு நவீன செயற்கை கால் வழங்கிட அளவீடு மேற்கொள்ளப்பட்டது. பின்னா், 29 மாற்றுத்திறனாளிகளுக்கு முதல்வரின் விரிவான மருத்துவக் காப்பீட்டு அட்டை பெறுவதற்கான பதிவும், 92 மாற்றுத்திறனாளிகளுக்கு தேசிய அடையாள அட்டைக்கான பதிவும், வங்கிக் கடன் மானியம் பெற 13 மாற்றுத்திறனாளிகளுக்கு பரிந்துரையும், 37 மாற்றுத்திறனாளிகளுக்கு பராமரிப்பு நிதியுதவி பெற பரிந்துரையும் மேற்கொள்ளப்பட்டது.

முகாமில், கலந்துகொண்ட அனைத்து மாற்றுத்திறனாளிகள் மற்றும் அவா்களின் உறவினா்களுக்கும் அறம் அறக்கட்டளை சாா்பில் மதிய உணவு வழங்கப்பட்டது.

இதில், மாவட்ட மாற்றுத்திறனாளி நல அலுவலா் சரவணகுமாா், மருத்துவா்கள், பணியாளா்கள் கலந்து கொண்டனா்.