அதானி வெளிநாட்டில் குடியேற ஆயத்தம்? சுப்பிரமணியன் சுவாமி சொன்ன விஷயம்
குன்றத்தூா் அடுத்த தரப்பாக்கம் பகுதியில் அடுத்தடுத்த நான்கு வீடுகளின் பூட்டை உடைத்து ரூ.1.50 லட்சம் பணத்தை திருடிச் சென்ற முகமுடி கொள்ளையனை குன்றத்தூா் போலீஸாா் தேடி வருகின்றனா்.
குன்றத்தூா் அடுத்த தரப்பாக்கம் ஊராட்சிக்குட்பட்ட கோல்டன் பேரடைஸ், கிருஷ்ணா காா்டன் பகுதியில் செவ்வாய்க்கிழமை இரவு அடுத்தடுத்து நான்கு வீடுகளின் பூட்டுகள் உடைக்கப்பட்டு இருப்பதாக வந்த தகவலையடுத்து குன்றத்தூா் போலீஸாா் சம்பவ இடத்திற்கு சென்று விசாரணை மேற்கொண்டனா்.
இதில் முருகன் என்பவரது வீட்டின் கதவை உடைத்து பீரோவில் இருந்த ரூ.1 லட்சம், அதே பகுதியில் வசித்து வந்த உபேந்திரா என்பவரது வீட்டின் பூட்டை உடைத்து ரூ.50,000 பணம் கொள்ளை அடிக்கப்பட்டு இருந்ததும், மேலும் இரண்டு வீடுகளின் பூட்டு உடைக்கப்பட்டு இருந்த நிலையில், ஒரு வீடு வாடகைக்கு விடுவதற்காக காலியாக இருந்ததும், மற்றொரு வீட்டில் பொருள்கள் ஏதும் இல்லாமல் இருப்பதும் தெரியவந்தது.
குன்றத்தூா் போலீஸாா் அப்பகுதிகளில் உள்ள கண்காணிப்பு கேமரா காட்சிகளை ஆய்வு செய்தபோது, கையில் இரும்பு கம்பியுடன் வந்த மா்ம நபா் முகத்தில் துண்டைக் கட்டிக்கொண்டு பூட்டி இருக்கும் வீடுகளை நோட்டமிட்டு பூட்டை உடைத்து பணத்தை திருடிச் சென்றது தெரியவந்தது. இச்சம்பவம் குறித்து குன்றத்தூா் போலீஸாா் வழக்குப் பதிவு செய்து முகமுடி கொள்ளையனை தேடி வருகின்றனா்.
