`ஒரு மொழியை படி, படிக்காதே எனச் சொல்ல இங்கு யாருக்கும் உரிமை இல்லை!' - விஜய பிரப...
Cinema Roundup: நிகழ்கால கங்குவா காட்சிகள்; அமரனுக்கு 5 வருடம்! - இந்த வார டாப் சினிமா தகவல்கள்
Admin
- 5 hours ago
இந்த வார டாப் சினிமா தகவல்களை இங்கு பார்க்கலாம்.
இயக்குநர் அர்ஜூன்!
சமீபத்தில் சாண்டல்வுட்டில் வெளியான `மார்டின்' என்ற திரைப்படத்தின் கதையை எழுதியது நம் ஆக்ஷன் கிங் அர்ஜூன்தான். `சேவகன்' திரைப்படத்தின் மூலம் இயக்குநர் அவதாரமெடுத்தவர் இதுவரை மொத்தமாக 12 படங்களை இயக்கியிருக்கிறார். தன்னுடைய அடுத்த டைரக்ஷனுக்கான வேலைகளையும் கையில் எடுத்துவிட்டார் ஆக்ஷன் கிங். `சீதா பயணம்' என்ற படத்தை தமிழ், தெலுங்கு, கன்னடா என மூன்று மொழிகளில் எடுக்கவிருக்கிறார். அர்ஜூன் தற்போது அஜித்துடன் `விடாமுயற்சி' திரைப்படத்தில் நடித்துவருகிறார். இதை தாண்டி `தீயவர் குலைகள் நடுங்க', `அகத்தியா' ஆகிய திரைப்படங்களையும் தனது லைன் அப்பில் வைத்திருக்கிறார்.
ஆர்.ஜே. பாலாஜி நெக்ஸ்ட்!
சூர்யாவின் 45-வது திரைப்படத்தை ஆர்.ஜே.பாலாஜி இயக்கவிருக்கிறார் என்ற அறிவிப்பு சமீபத்தில் வெளியாகியிருந்தது. டைரக்ஷன் மட்டுமல்ல அவர் நடிக்கும் திரைப்படத்தின் வேலைகளும் பரபரப்பாக நடைபெற்று வருகிறது. இவர் நடித்து வரும் `சொர்கவாசல்' திரைப்படத்தின் ஃபர்ஸ்ட் லுக் போஸ்டரை இயக்குநர் பா.இரஞ்சித் வெளியிட்டிருக்கிறார். இந்த படத்தை அறிமுக இயக்குநர் சித்தார்த் விஸ்வநாத் இயக்குகிறார். இவர் பா.இரஞ்சித்திடம் உதவி இயக்குநராக பணியாற்றியவர்.
`அமரன்' படத்திற்கு ஐந்து வருடம்!
மேஜர் முகுந்த் வரதராஜனின் பயோபிக்காக சிவகார்த்திகேயன் நடிப்பில் உருவாகி தீபாவளி வெளியீடாக திரைக்கு வரவிருக்கிறது `அமரன்'. `ரங்கூன்' திரைப்படத்திற்குப் பிறகு இத்திரைப்படத்தை ராஜ்குமார் பெரியசாமி இயக்கியிருக்கிறார். இத்திரைப்படத்தின் இசை வெளீயீட்டு விழா பிரமாண்டமான முறையில் கடந்த வெள்ளிக்கிழமை நடைபெற்றது. சிறப்பு விருந்தினராக மணி ரத்னம், இயக்குநர் லோகேஷ் கனகராஜ் , தயாரிப்பாளர் கலைப்புலி எஸ்.தாணு எனப் பலரும் கலந்து கொண்டிருக்கிறார்கள்.
இயக்குநர் மணி ரத்னத்தின் `தளபதி' திரைப்படத்தை பார்த்ததற்குப் பிறகுதான் சினிமாவுக்கு வரவேண்டும் என்ற ஆசை இயக்குநர் ராஜ்குமார் பெரியசாமிக்கு வந்ததாம். இத்திரைப்படத்தின் மொத்த ஆராய்ச்சி பணிகள் உட்பட பல வேலைகளுக்கு 5 ஆண்டுகள் வரை செலவழித்தாராம் இயக்குநர்.
ப்ரேமலு கூட்டணியின் அடுத்த ரிலீஸ்!
பெரிய நட்சத்திரப் பட்டாளங்களின்றி பெரிதளவில் பரிச்சயமில்லாத இளைஞர்கள் படையை வைத்து மலையாள இயக்குநர் கிரீஷ் ஏ.டி எடுத்த திரைப்படம்தான் `ப்ரேமலு'. மலையாளத்தை தாண்டி தமிழ், தெலுங்கு என அனைத்துப் பக்கங்களிலும் சூப்பர் ஹிட்டடித்தது. இந்தாண்டு வெளியான மலையாளப் படங்களில் அதிக வசூல் குவித்த படங்களின் பட்டியலிலும் `ப்ரேமலு' இருக்கிறது. இதைத் தொடர்ந்து `ப்ரேமலு 2' வரும் என்ற அறிவிப்பையும் வெளியிட்டிருந்தனர். தவிர, இயக்குநர் கிரீஷ் ஏ.டியும் `ப்ரேமலு' படத்தின் நாயகன் நஸ்லெனும் நான்காவது முறையாக `ஐ எம் காதலன்' என்ற படத்திற்கு இணைந்தார்கள். இத்திரைப்படம் நவம்பர் 7-ம் தேதி வெளியாகிறது.
`கங்குவா' இரண்டாவது சிங்கிள்!
மிகுந்த எதிர்பார்ப்புக்கு மத்தியில் அடுத்த மாதம் 14-ம் தேதி வெளியாகவிருக்கிறது `கங்குவா'. இத்திரைப்படத்தின் வரலாற்று காட்சிகளைதான் பாடல்களிலும், ட்ரைலரிலும், டீசரிலும் பார்த்திருந்தோம். நிகழ்காலத்தில் நடக்கும் காட்சிகள் குறித்தான எந்தவொரு அப்டேட்டையும் கொடுக்காமல் இருந்தனர். தற்போது அதை பாடல் மூலம் அறிமுகம் செய்கிறது படக்குழு. ஏற்கெனவே, `ஃபயர் சாங்' என்ற ஒரு பாடலை வெளியிட்டிருந்தார்கள். தற்போது இந்த படத்தின் இரண்டாவது பாடலான `வாமோஸ் பிரிங்கர் பேப்' அக்டோபர் 21-ம் தேதி வெளியாகும் எனப் படக்குழு அறிவித்திருக்கிறது. இத்திரைப்படத்தின் மூலம் தமிழ் சினிமாவுக்கு திஷா பதானியும், பாபி தியோலும் அறிமுகமாகிறார்கள்.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
Simbu : `என்னுடைய அடுத்த திரைப்படம் இதுதான்!' - `ஹின்ட்'டுடன் அப்டேட் கொடுத்த சிம்பு
நடிகர் சிம்பு அடுத்த படத்திற்கான அப்டேட்டை கொடுத்திருக்கிறார்.மாநாடு, வெந்து தணிந்தது காடு, பத்து தல ஆகிய படங்களைத் தொடர்ந்து தற்போது மணிரத்னம் இயக்கத்தில் கமல் நடித்து உருவாகி வரும் 'Thug Life' படத்த... மேலும் பார்க்க
Rocket Driver Review: காலப்பயணம் செய்யும் கலாம்; ஃபேண்டஸியில் இது புதுசு! ஆனாலும் ஏமாற்றம் ஏன்?
சென்னையில் இயற்பியல் பட்டப்படிப்பைப் படித்துக்கொண்டிருக்கும் பிரபாவுக்கு (விஸ்வத்) அப்துல் கலாம் போல விஞ்ஞானி ஆக வேண்டும் என்பது ஆசை. அப்பாவின் வற்புறுத்தல் காரணமாகப் படிப்பைப் பாதியிலேயே நிறுத்திவிட்... மேலும் பார்க்க
`நான் செய்த தவறு; 6 நாள்களாக படுக்கையிலேயே இருக்கிறேன்' - ரகுல் ப்ரீத் சிங்கிற்கு என்ன ஆயிற்று?
தமிழ், தெலுங்கு, இந்தி என பல மொழிகளில் நடித்து வருபவர் ரகுல் ப்ரீத் சிங்.2009 ஆம் ஆண்டு கன்னட படத்தின் மூலம் திரைத்துறைக்கு அறிமுகமான இவர் தமிழில் `தடையற தாக்க', `புத்தகம்', `என்னமோ ஏதோ' உள்ளிட்ட படங்... மேலும் பார்க்க
Bhumika `'கன்னத்தில் முத்தமிட்டால்' Miss பண்ணிட்டேன்’ - `ஆப்பிள் பெண்ணே’ பூமிகா ஷேரிங்ஸ்
``நீங்கள் தேர்ந்தெடுத்து நடித்த படங்களின் தாக்கம் இன்றும் மக்கள் மத்தியில் உள்ளது. அது அழகான நினைவுகளை தந்து கொண்டிருக்கிறது. அந்த நினைவுகள் உங்களுக்கு எப்படியானது?”``நான் நடித்த படங்களின் நினைவுகள், ... மேலும் பார்க்க
Selvaragavan : `எவ்ளோ வேணா லவ் பண்ணுங்க, ஊர சுத்துங்க, ஆனா...' - செல்வராகவன் கூறும் காதல் அட்வைஸ்
தமிழ் திரையுலகின் முன்னணி இயக்குநர்களில் ஒருவர் செல்வராகவன். இவர், அவ்வப்போது சமூக வலைதளங்களில் வாழ்க்கையைப் பற்றி சின்ன சின்ன வீடியோக்களையும் பதிவிட்டு வருவார். அதுபோல, தற்போது காதல் பற்றி தனது இன்ஸ்... மேலும் பார்க்க
