Pink Auto: ஆட்டோ வாங்க ரூ. 1 லட்சம் மானியம்; பெண் ஆட்டோ ஓட்டுநர்கள் விண்ணப்பிக்கலாம்; முழு விவரங்கள்

'பிங்க் ஆட்டோ' திட்டத்திற்கான வேலைவாய்ப்பு குறித்த அறிவிப்பைச் சமூக நலத்துறை வெளியிட்டுள்ளது. இந்த திட்டத்தின் மூலம் பெண்களின் பாதுகாப்பிற்காக ஜி.பி.எஸ் பொருத்திய ஆட்டோக்கள் வழக்கப்படும்.

என்ன வேலை?

ஆட்டோ டிரைவர். இந்த திட்டத்தின் கீழ் பெண்கள் மட்டுமே விண்ணப்பிக்க முடியும். கைம்பெண்கள் மற்றும் ஆதரவற்ற பெண்களுக்கு முன்னுரிமை வழங்கப்படும்.

மொத்த காலி பணியிடங்கள்: 250.

கல்வி தகுதி: 10-ம் வகுப்பு.

வயது வரம்பு: 25 - 45.

குறிப்பு: ஓட்டுநர் உரிமம் கண்டிப்பாக வைத்திருக்க வேண்டும் மற்றும் சென்னையில் வசிப்பவராக இருக்க வேண்டும்.

என்ன செய்து தரப்படும்?

இந்த திட்டத்தின் கீழ், தகுதியான பெண் ஓட்டுநர்கள் தேர்ந்தெடுக்கப்பட்டு, அவர்களுக்கு CNG அல்லது ஹைபிரிட் ஆட்டோ வாங்க தமிழ்நாடு அரசு ரூ. 1 லட்சம் மானியமாக வழங்கும். ஆட்டோ வாங்க தேவைப்படும் மீதி பணத்திற்காக வங்கிகளில் கடன் பெற உதவப்படும்.

விண்ணப்பிக்கக் கடைசி தேதி: நவம்பர் 23, 2024.

விண்ணப்பிக்கும் முகவரி: சென்னை மாவட்ட சமூக நல அலுவலர், 8-வது தளம், சிங்காரவேலர் மாளிகை, சென்னை - 600 001.