சிவகார்த்திகேயன் நடிப்பில் `அமரன்' தீபாவளி ரிலீஸாக வெளியாகியிருந்தது.
திரைப்படம் திரையரங்குகளில் வெளியான இரண்டு வாரங்களுக்குப் பிறகும் அமோக வரவேற்பை பெற்று வருகிறது. சிவகார்த்திகேயனின் கரியரில் முக்கியமானதாக அமைந்திருக்கிறது. அவருடைய படங்களில் அதிக வசூல் செய்த திரைப்படமாகவும் பட்டியலில் முதலிடத்தை பிடித்திருக்கிறது.
சமீபத்தில் `அமரன்' படத்தின் தோற்றத்தில் வீட்டிற்குச் சென்று அவரின் மனைவியை பயமுறுத்தும் காணொளியை அவருடைய மனைவி ஆர்த்தியின் பிறந்தநாளை முன்னிட்டு சிவகார்த்திகேயன் அவருடைய சமூக வலைதளப் பக்கத்தில் பதிவிட்டிருந்தார். ரீல்ஸ்களில் அதிகமாக இந்த காணொளி ஷேர் செய்யப்பட்டு வைரலானது. தற்போது அந்த காணொளியை தனது இன்ஸ்டாகிராம் பக்கத்தின் ஸ்டோரியில் பகிர்ந்து `My Captain' என நெகிழ்ந்து பதிவிட்டிருக்கிறார் ஆர்த்தி.
சிவகார்த்திகேயன் தற்போது ஏ. ஆர். முருகதாஸ் இயக்கும் திரைப்படத்தில் நடித்து வருகிறார். இப்படத்தின் படப்பிடிப்பும் தற்போது நடைபெற்று வருகிறது. இத்திரைப்படத்தின் படப்பிடிப்பு இன்று பெருங்களத்தூரில் நடைபெற்றபோது தான் சிவகார்த்திகேயனை சந்திக்க மக்கள் பலரும் கூடினர். இதன் பிறகு `டான்' படத்தின் இயக்குநர் சிபி சக்ரவர்த்தி இயக்கத்திலும் நடிக்கவிருக்கிறார் எஸ்.கே!
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
