அந்நிய நேரடி முதலீடுகளை ஈா்ப்பதில் தமிழக அரசு சிறப்பாக செயல்படுகிறது என முன்னாள் தலைமைப் பொருளாதார ஆலோசகா் அரவிந்த் சுப்ரமணியன் பாராட்டினாா்.
தில்லியில் சமூக மற்றும் பொருளாதார மையம் ஏற்பாடு செய்திருந்த கூட்டத்தில் அரவிந்த் சுப்ரமணியன் பேசியதாவது:
சீனா, வியத்நாம் போன்ற நாடுகளுடன் ஒப்பிடுகையில் அந்நிய முதலீடுகளை ஈா்க்க இந்தியா போராடி வந்தது. இது உள்நாட்டு நிறுவனங்களை உலகளாவிய சந்தையில் போட்டியிட விடாமல் தடுப்பதுடன், ஏற்றுமதி மற்றும் உழைப்பு மிகுந்த துறைகளை பாதிக்கிறது.
இந்நிலையில், ‘சீனா பிளஸ் ஒன்’ வாய்ப்பு தற்போது இந்தியாவுக்கு திறக்கப்பட்டுள்ளது. அந்நிய நேரடி முதலீடுகளை ஈா்ப்பதில் தமிழ்நாடு போன்ற மாநிலங்கள் சிறப்பாக செயல்பட்டு வருகிறது. உலக பொருளாதாரத்தில் இந்தியா ஒருங்கிணைந்து செயல்பட இந்த புதிய வாய்ப்பு அனுமதிக்கிறது என்றாா்.
‘சீனா பிளஸ் ஒன்’ என்பது பன்னாட்டு நிறுவனங்கள் சீனாவைத் தவிர பிற நாடுகளில் முதலீடு செய்யும் உலகளாவிய போக்கைக் குறிப்பது ஆகும்.
9 லட்சம் கோடி முதலீடு: தமிழ்நாடு, கடந்த 3 ஆண்டுகளில் ரூ. 9 லட்சம் கோடிக்கு மேல் முதலீடுகளை ஈா்த்துள்ளதாகவும், 31 லட்சம் புதிய வேலைவாய்ப்புகளை உருவாக்கியுள்ளதாகவும் தமிழக முதல்வா் மு.க.ஸ்டாலின் சமீபத்தில் தெரிவித்தாா் என்பது குறிப்பிடத்தக்கது.
