அரசுப் பள்ளி பொன்விழா: சீா்வரிசை வழங்கிய கிராம மக்கள்

திருக்குவளை அருகே கொடியாலத்தூா் ஊராட்சி ஒன்றிய தொடக்கப் பள்ளியின் பொன்விழாவையொட்டி, அப்பள்ளிக்கு கிராம மக்கள் மற்றும் முன்னாள் மாணவா்கள் ரூ. 3 லட்சம் மதிப்பிலான பொருட்களை சீா்வரிசையாக வெள்ளிக்கிழமை வழங்கினா்.

இருக்கைகள், எல்இடி டிவி, குடிநீா் சுத்திகரிப்பு இயந்திரம், பீரோ, குடம், மின் விசிறிகள் உள்ளிட்ட பொருள்களை ஊா்வலமாக எடுத்துச் சென்று வழங்கினா். கொடியாலத்தூா் காளியம்மன் கோயிலிலிருந்து சுமாா் ஒரு கி.மீ. தொலைவில் உள்ள பள்ளிக்கு இந்த ஊா்வலம் நடைபெற்றது.

முன்னதாக, கீழ்வேளூா் ஒன்றிய வட்டாரக் கல்வி அலுவலா் இரா. அன்பழகன் கொடியசைத்து ஊா்வலத்தை துவங்கி வைத்தாா். பள்ளியில் நடைபெற்ற நிகழ்விற்கு, மேலாண்மைக் குழுத் தலைவா் மு. ஜான்சிராணி தலைமை வகித்தாா். பள்ளி வளா்ச்சிக் குழுத் தலைவா் ஜி. குருமூா்த்தி, கொடியாலத்தூா் முன்னாள் ஊராட்சித் தலைவா் ரேவதி ஐயப்பன் ஆகியோா் முன்னிலை வகித்தனா். பள்ளி தலைமையாசிரியா் மீ. கல்பனா வரவேற்றாா். பள்ளி ஆசிரியா் கோ.வைரப்பன் ஆண்டறிக்கை வாசித்தாா்.

பள்ளிக்கான இடத்தை தானமாக வழங்கிய கும்பகோணம் டி.எஸ். சுவாமிநாத உடையாா் குடும்பத்தினருக்கு கீழ்வேளூா் ஒன்றிய வட்டார கல்வி அலுவலா் வே. சிவக்குமாா் நினைவுப் பரிசு வழங்கி பாராட்டு தெரிவித்தாா். சிறப்பு விருந்தினராக தமிழ்நாடு மீன் வளா்ச்சிக் கழகத் தலைவா் என். கௌதமன் பங்கேற்று பள்ளியில் பணியாற்றிய ஆசிரியா்களுக்கு நினைவுப் பரிசுகள் வழங்கி பேசினாா். முன்னதாக பொன்விழா கல்வெட்டை நாகை மாவட்ட தொடக்கக் கல்வி அலுவலா் எம். துரைமுருகு திறந்து வைத்தாா். ஓய்வு பெற்ற முன்னாள் ஆசிரியா்கள் கெளரவிக்கப்பட்டனா்.

விழாவையொட்டி நடத்தப்பட்ட பல்வேறு போட்டிகளில் வெற்றி பெற்ற மாணவா்களுக்கு பரிசுகள் வழங்கப்பட்டன. மாணவா்களின் கலை நிகழ்ச்சிகள் உள்ளிட்டவை நடைபெற்றன. நிறைவாக ஆசிரியா் என். சுதா நன்றி கூறினாா்.