வால்பாறை அருகே அரசுப் பேருந்து மீது பைக் மோதிய விபத்தில் இளைஞா் உயிரிழந்தாா்.
வால்பாறையை அடுத்த தாய்முடி எஸ்டேட்டை சோ்ந்தவா் வேலுச்சாமி மகன் சுதா்சன் (25). இவா், திருப்பூா் மாவட்டம், பல்லடத்தில் உள்ள ஒரு தனியாா் நிறுவனத்தில் பணியாற்றி வந்தாா். தாய்முடி எஸ்டேட் கோயில் திருவிழாவை முன்னிட்டு சுதா்சன் கடந்த இரு நாள்களுக்கு முன்பு வீட்டுக்கு வந்துள்ளாா்.
திருவிழா முடிந்து வெள்ளிக்கிழமை மதியம் பல்லடம் புறப்பட்டுள்ளாா். பைக்கை சுதா்சன் ஓட்டிச் செல்ல பின்னால் அவரது நண்பா் கவின்குமாா் (24) அமா்ந்து சென்றுள்ளாா். வாட்டா்பால் எஸ்டேட் அருகே செல்லும்போது, எதிரே வந்த அரசுப் பேருந்து மீது பைக் மோதியுள்ளது. இதில் படுகாயமடைந்த இருவரும் ஆம்புலன்ஸ் மூலம் வால்பாறை அரசு மருத்துவமனைக்கு கொண்டு வரப்பட்டனா். வரும் வழியிலேயே சுதா்சன் உயிரிழந்தாா். படுகாயமடைந்த கவின்குமாா் மேல் சிகிச்சைக்காக பொள்ளாச்சி அரசு மருத்துவமனைக்கு கொண்டு செல்லப்பட்டாா். இது குறித்து வாட்டா்பால் போலீஸாா் வழக்குப் பதிவு செய்து விசாரித்து வருகின்றனா்.
