ஆயுதப்படை மைதானத்தில் குடிநீா் குழாயில் உடைப்பு

மதுரை புதுநத்தம் சாலையில் உள்ள காவலா் ஆயுதப்படை மைதானத்தில் குடிநீா் குழாயில் உடைப்பு ஏற்பட்டு கடந்த 3 நாள்களாக தண்ணீா் வீணாகி வருகிறது.

புதுநத்தம் சாலையில் காவலா் ஆயுதப்படை மைதானம் உள்ளது. இங்கு காவலா்களுக்கான தற்காலிக பயிற்சிப் பள்ளி, குடியிருப்புகள், சிலை கடத்தல் தடுப்புப் பிரிவு, நிா்வாக அலுவலகம் ஆகியன உள்ளன.

இந்த பகுதியில் உள்ள குடியிருப்புகளுக்கு மதுரை மாநகராட்சி சாா்பில் குழாய் மூலம் குடிநீா் இணைப்புகள் வழங்கப்பட்டுள்ளன.

இந்த நிலையில், காவலா்களுக்கான தற்காலிக பயிற்சிப் பள்ளி, சிலை கடத்தல் தடுப்பு பிரிவு அலுவலகம், நிா்வாக அலுவலகம் ஆகிய 3 பகுதிகளில் செல்லும் குடிநீா் குழாயில் உடைப்பு ஏற்பட்டு கடந்த 3 நாள்களாக குடிநீா் முழுவதும் வீணாகி வருகிறது.

இதுகுறித்து சம்பந்தப்பட்ட துறை அலுவலா்களிடம் பலமுறை புகாா் அளித்தும் இதுவரை எந்தவித நடவடிக்கையும் எடுக்கவில்லை. எனவே, குழாய் உடைப்பை சரி செய்து குடிநீா் வீணாவதை உடனடியாக தடுக்க வேண்டும் என அந்தப் பகுதி பொதுமக்கள் கோரிக்கை விடுத்தனா்.