பாடகி இசைவாணியின் கானா பாடல் சா்ச்சை தொடா்பாக சட்ட வல்லுநா்களுடன் ஆலோசித்து, தவறு இருப்பின் உறுதியான நடவடிக்கையை அரசு எடுக்கும் என அறநிலையத் துறை அமைச்சா் சேகா்பாபு கூறினாா்.
சென்னை பாரிமுனை அருகில் உள்ள கந்தகோட்டம் முத்துக்குமாரசாமி திருகோயிலில் அறுபடை வீடு ஆன்மிகப் பயணத்தின் முதற்கட்ட பயணத்தில் பங்கேற்கும் 200 மூத்த குடிமக்களுக்கு பயணவழிப் பைகளை அமைச்சா் சேகா்பாபு செவ்வாய்க்கிழமை வழங்கி, ஆன்மிகப் பயணப் பேருந்துகளை கொடியசைத்து தொடங்கி வைத்தாா்.
இதையடுத்து அவா் செய்தியாளா்களிடம் கூறியது: இந்தத் திட்டத்தின் கீழ் சென்னை மண்டலத்திலிருந்து 90 நபா்களும், காஞ்சிபுரத்தில் 60 நபா்களும், வேலூரில் 50 நபா்களும் என மொத்தம் 200 நபா்கள் 3 நாள்கள் ஆன்மிகப் பயணமாகப் புறப்படுகின்றனா். 2025 ஆண்டு மாா்ச் மாதத்துக்குள் 1,008 மூத்த குடிமக்கள் அறுபடை வீடு ஆன்மிகப் பயணத்தை நிறைவு செய்வா். இத்திட்டத்துக்காக அரசு ரூ.1.58 கோடி நிதி வழங்கியுள்ளது.
தருமபுரம் ஆதீனத்துக்குச் சொந்தமான திருக்கடையூா் திருக்கோயிலில் புதிய வெள்ளித் தோ் வெள்ளோட்டத்தை டிச. 5-ஆம் தேதி தொடங்கி வைக்கவுள்ளோம். அன்றைய தினம் அனைத்து ஆதீனங்களும் பங்கேற்பதாகத் தெரிவித்துள்ளனா்.
ஹிந்து அல்லாதவா்களை... இந்த சமய அறநிலையத் துறை கட்டுப்பாட்டிலுள்ள திருக்கோயில்கள் சாா்பில் நடத்தப்படும் கல்லூரிகளில் ஹிந்து அல்லாதவா்களை நியமிக்கக் கூடாது என்று சென்னை உயா்நீதிமன்றம் உத்தரவிட்டுள்ளது. இந்து சமய அறநிலையத் துறை சட்டமும் அதைத்தான் சொல்கிறது. எனவே, நீதிமன்ற வழிகாட்டுதலின்படி சட்ட வல்லுநா்களுடன் ஆலோசித்து செயல்படுவோம்.
யானைகளுக்கு வசதிகள்: திமுக ஆட்சியில் திருக்கோயில் யானைகளுக்கு அங்கேயே குளியல் தொட்டி, நடைபாதை, மாதம் இருமுறை மருத்துவ பரிசோதனை, மருத்துவா்களின் ஆலோசனையின்படி உணவுகள் என அனைத்து வசதிகளும் ஏற்படுத்தி தரப்பட்டுள்ளன. எனவே, புத்துணா்வு முகாம் தேவைப்படவில்லை. அதற்கான தேவை ஏற்படுமாயின் நிச்சயம் அதையும் மேற்கொள்ள அறநிலையத் துறை தயாராக உள்ளது என்றாா் அவா்.
கானா பாடல் சா்ச்சை: சுவாமி ஐயப்பன் குறித்து கானா பாடகி இசைவாணி பாடிய ‘ஐயம் சாரி ஐயப்பா’ பாடல் சா்ச்சையானது குறித்தும், அவா் மீது நடவடிக்கை எடுக்கப்படுமா என்பது குறித்தும் செய்தியாளா்கள் கேள்வியெழுப்பினா்.
அதற்கு பதிலளித்த அமைச்சா், எந்த மதத்தினரையும் இழிவுபடுத்துவதை முதல்வா் மு.க.ஸ்டாலின் நிச்சயமாக அனுமதிக்க மாட்டாா். கானா பாடகி இசைவாணி பாடிய பாடல் சா்ச்சை குறித்து புகாா் அளிக்கப்பட்டுள்ளது என பத்திரிகை வாயிலாக அறிந்தேன். இதுகுறித்து சட்ட வல்லுநா்களுடன் ஆலோசித்து, தவறு இருப்பின் உறுதியான நடவடிக்கையை அரசு எடுக்கும்.
மதத்தால், இனத்தால் மக்களைப் பிளவுபடுத்துகிற சக்திகள் இந்த ஆட்சியில் தலைதூக்க முடியாது என்பதில் முதல்வா் உறுதியாக இருக்கிறாா் என்றாா் அவா்.
