`இனி ரயில்களில் Lower Berth இவர்களுக்குத்தான் கிடைக்கும்' - ரயில்வேயின் புதிய அறிவிப்பு

இந்திய ரயில்வே நிர்வாகம் லோயர் பெர்த்களுக்கான புதிய விதிமுறைகளை இப்போது வெளியிட்டுள்ளது. அவை என்னென்ன என்பதை பார்க்கலாம்.

லோயர் பெர்த் யாருக்கு கிடைக்கும்?

பெரும்பாலும் லோயர் பெர்த்கள் அதிகம் தேர்ந்தெடுக்கப்படுகின்றன. ஆனால், தேர்ந்தெடுக்கும் அனைவருக்கும் அந்த பெர்த் கிடைப்பது அவசியமில்லை.

ரயில்வே நிர்வாகத்தின் கணினி பதிவு முறைப்படி, லோயர் பெர்த்கள் பெரும்பாலும் மூத்த குடிமக்கள், 45 வயதுக்கு மேற்பட்ட பெண்கள் மற்றும் கர்ப்பிணிப் பெண்களுக்கே வழங்கப்படுகின்றன.

நீங்கள் லோயர் பெர்த்களைத் தேர்வு செய்யும்போது, அந்த பெர்த்களில் காலியிடங்கள் இருந்தால் மட்டுமே அவை உங்களுக்கு ஒதுக்கப்படும்.

ஒருவேளை, லோயர் பெர்த் உங்களுக்கு வழங்கப்பட்டிருந்தாலும், மூத்த குடிமக்களுக்குப் அப்பர் அல்லது மிடில் பெர்த் வழங்கப்பட்டிருக்கும் நிலையில், அதை மாற்றுவதற்கான உரிமை ரயில்வே அதிகாரிகளுக்கு உண்டு.

இரவு 10 மணி - காலை 6 மணி

அடுத்ததாக, ரிசர்வ் ரயில் பெட்டிகளில், இரவு 10 மணி - காலை 6 மணி வரையில் தூங்கும் நேரம் ஆகும். இந்த நேரத்தில் லோயர் பெர்த்துகளில் இருப்பவர்களை அப்பர் பெர்த் மற்றும் மிடில் பெர்த்துகளில் இருப்பவர்கள் தொந்தரவு செய்யக்கூடாது.

இதே தான் சைட் லோயர் மற்றும் சைட் அப்பர் பெர்த்துகளுக்கும் பொருந்தும். மேலே குறிப்பிட்டுள்ள நேரத்தில் சைட் லோயரில் இருப்பவர்களை அப்பர் பெர்த்துகளில் இருப்பவர்கள் 'கீழ் பெர்த்துகளில் உட்கார வேண்டும்' என்று தொந்தரவு செய்யக்கூடாது.