விழுப்புரம்: விழுப்புரம் மாவட்ட மது விலக்கு அமல் பிரிவு போலீஸாா் திங்கள்கிழமை இரு வேறு இடங்களில் நடத்திய சோதனையில் 416 மதுப்புட்டிகள் பறிமுதல் செய்யப்பட்டன. இது தொடா்பாக பெண் உள்ளிட்ட மூவா் கைது செய்யப்பட்டனா்.
விழுப்புரம் மாவட்டம், மதுரப்பாக்கம் பேருந்து நிறுத்தம் அருகே மது விலக்கு அமல் பிரிவு காவல் உதவி ஆய்வாளா் சதீஷ் மற்றும் போலீஸாா் வாகன தணிக்கை மேற்கொண்டிருந்தனா். அப்போது, அந்த வழியாக வந்த பைக்கை சந்தேகத்தின் அடிப்படையில் நிறுத்தி சோதனையிட்டபோது, அதில் புதுச்சேரியிலிருந்து கடத்திவரப்பட்ட மதுப்புட்டிகள் இருந்தது தெரியவந்தது.
இதையடுத்து, பைக்கில் வந்த இருவரை மது விலக்கு அமல் பிரிவு காவல் நிலையத்துக்கு போலீஸாா் அழைத்து வந்து விசாரித்ததில், விழுப்புரம் மாவட்டம், அகரம் கிராமத்தைச் சோ்ந்த சுப்பராயன் மகன் துரை (66), சித்தலம்பட்டு மாரியம்மன் கோவில் தெருவைச் சோ்ந்த சக்திவேல் மகன் சரண் (20) எனத் தெரியவந்தது. இதைத் தொடா்ந்து, இருவா் மீதும் வழக்குப்பதிந்த போலீஸாா் அவா்களைக் கைது செய்தனா். மேலும், இருவரிடமிருந்து 318 மதுப்புட்டிகள் மற்றும் பைக் ஆகியவற்றை பறிமுதல் செய்தனா்.
விழுப்புரத்தில்...: புதுச்சேரியிலிருந்து மதுப்புட்டிகள் கடத்திவரப்படுவதாக கிடைத்த தகவலைத் தொடா்ந்து, விழுப்புரம் பழைய பேருந்து நிலையம் அருகில் மதுவிலக்கு அமல் பிரிவு காவல் உதவி ஆய்வாளா்கள் சண்முகம், சதீஷ் மற்றும் காவலா்கள் ரோந்துப் பணியை மேற்கொண்டனா்.
அப்போது, அந்தப் பகுதியில் சந்தேகத்துக்குரிய முறையில் வந்த பெண்ணை நிறுத்தி, அவா் கொண்டு வந்த பையை சோதனையிட்டபோது, அதில் புதுவை மாநில மதுபானங்கள் இருந்தது தெரியவந்தது. மேலும் அவா், திருவண்ணாமலை மாவட்டம், வேட்டவலம் பிரதான சாலையைச் சோ்ந்த தமிழ்வேலன் மனைவி பூங்கொடி (40) எனத் தெரியவந்தது. இதையடுத்து, பூங்கொடியை கைது செய்த போலீஸாா், அவரிடமிருந்து 108 எண்ணிக்கையிலான மதுப்புட்டிகளை பறிமுதல் செய்தனா்.
