உங்களை விட சிறந்த எம்.பி.யாக பிரியங்கா இருப்பாரா? ராகுலின் கலகலப்பான பதில்
வயநாடு: வயநாடு மக்களவைத் தொகுதியில் போட்டியிடும் பிரியங்கா காந்தி, நேற்று தனது வேட்புமனுவை தாக்கல் செய்தார், அதன்பிறகு ராகுலுடன் பிரியங்கா வாகனத்தில் பயணித்த போது எடுக்கப்பட்ட நேர்காணல் விடியோ ஒன்று சமூக வலைதளத்தில் வைரலாகி வருகிறது.
அந்த விடியோவில், பேருந்தில் பிரியங்காவும், ராகுல் காந்தியும் ஒன்றாக அமர்ந்து வருகின்றனர். அவர்களுடன் கேரள மாநில தலைவர்களும் உடன் இருக்கிறார்கள்.
ராகுலிடம் சில கேள்விகள் எழுப்பப்பட்டதற்கு, அவர் தனது சகோதரியுடனான பாசப் பிணைப்பையும் அதனுடன் சேர்ந்து சகோதரருக்கே உரிய நக்கலையும் வெளிப்படுத்தி பல கேள்விகளுக்கு பதிலளித்துள்ளார்.